Filippi 1:21 - Tedim Bible

²¹ Bang hang hiam cih leh Khrih a’ ding bekin a nungta ka hi a, si taleng zong kei a dingin hoihzaw semsem lai hi.

Tedim Bible Revision 2017

²¹ Bang hang hiam cih leh Khris ading bekin a nungta ka hi a, si taleng zong kei adingin hoih zaw semsem lai hi.

Filippi 1:21 Referans Kwoze

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh omkhawm ding a ki-utzaw ahi hi.

2 KORIN NIHNA 5:1

Bang hang hiam cih leh hih ka tenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote a dingin a hong bawlsak inn, vantungah a nei ding ka hihna uh ka thei uh hi.

Filippi 1:23

Hih thu nih khentat hak ka sa mahmah hi. Kei a dingin hoihzaw thampek ahih manin leitung pumpi si-in Khrih tawh omkhawm ding ka ut hi.

Kolose 3:4

Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

2 KORIN NIHNA 5:6

Tua ahih manin lungmuang takin ka om tawntung uh hi. Hih ka leitung pumpi uhah ka om laiteng uh Topa’ hong piak ding pumpi tawh a omkhawm nai lo ka hi uh hi.

Filippi 1:20

Ka si a, ka hing zongin, a diak diakin tu a kipanin a tawntungin midangte in Khrih phat theih nading lungsim hanna a neih theih nadingun ka lungsim le ka pumpi tawh keima tavuan ka lelh hetloh nading pen ka deihdeih, ka lametet bulpi ahi hi.

Mangmuhna 14:13

Tua ciangin vantung panin awging khat ka za a, “Tu a kipanin Topa thu-ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amaute’ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Galati 6:14

Ahi zongin keimah in ahihleh, singlamteh tungah i Topa Jesuh a sihna thu bek ka kisialhpih ding hi. Bang hang hiam cih leh singlamteh tungah ama sihna hangin kei a dingin leitung thute misi bang a, kei zong, leitung thu-ah misi mah ka bang hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Filippi 2:21

Adangte in ahihleh Jesuh Khrih thu kinloin, amau’ aituam vai bek lunghimawh uh hi.

1 KORIN MASA 3:22

Paul, Apollos, Peter cihte ahi a, hih leitung, nuntakna, sihna, tuhun le mailam hun, cihte a kipan na khempeuh nomau a’ ahi hi.

Filippi 1:22

Leitung pumpi nungta lai hi leng na a manpha tampi semthei ding ka hih manin, sih ding le hin ding ka teelsawn ding ka thei kei hi.