Filippi 1:17 - Tedim Bible

¹⁷ Pawlkhatte in ahihleh lungsim hoih tawh hi loin ka thongkiatna-ah na ka sak semsem theih nadingin kei hong demna-in Khrih thu a hilh uh hi.

Tedim Bible Revision 2017

¹⁷ Pawl khatte in ahihleh lungsim hoih tawh hi loin ka thongkiatna ah na ka sak semsem theih nadingin kei hong demna-in Khris thu a hilh uh hi.

Filippi 1:17 Referans Kwoze

Filippi 2:3

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna-ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

2 TIMOTI NIHNA 4:16

Keimah kihut nading thu ka gen masak ni-in kuamah in hong koppih loin hong taisanmang uh hi. Tua thu hangin mawhsakna thuak kei beek uh hen!

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hita hi. Na pil sinnateng in mihai hong suaksak ta hi,” ci-in nakpitakin a kiko hi.

Sawltak 26:1

Tua ciangin Agrippa in Paul kiangah, “Tu-in thugen theih nading hun na nei hi,” ci-in a gen ciangin Paul in a khut zanin a kiphel nading thu hong gen a,

Sawltak 22:1

“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

Luka 21:14

Tua hun ciangin eite in bangci gen ding cih lunghihmawhin nei kei un.

ROM (Romans) 2:8

ahi zongin ama deihna bek zui-in, a gamtat dingin a kilawm bangin gamta loin, a man loin a gamta mite tungah Pasian in ama hehna hangin gimna tungsak ding hi.

Filippi 1:18

Ahi zongin phamawh ka sa kei hi. Lungsim hoih tawh a kihilh a, lungsimkhem tawh a kihilh ahi zongin, bangbang hitaseleh Khrih’ thu gen uh ahih nungsang, kei ka lungdam hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mithat bangin sikkol hong kibulh hi. Pasian’ thu ahihleh sikkol kibulh thei lo hi.