Filippi 1:15 - Tedim Bible

¹⁵ Mi pawlkhatte in ahihleh hong hazatna le hong langpan’ nopna tawh Khrih thu hilh uh a, ahi zongin mi pawlkhatte in lungsim hoihtak mah tawh a hilh uh hi.

Tedim Bible Revision 2017

¹⁵ Mi pawl khatte in ahihleh hong hazatna le hong langpan nopna tawh Khris thu hilh uh a, ahi zongin mi pawl khatte in lungsim hoihtak mah tawh a hilh uh hi.

Filippi 1:15 Referans Kwoze

Filippi 2:3

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un.

2 KORIN NIHNA 11:13

Amaute pen sawltak taktak hi loin, sawltak a kineihkhemte hi uh a, a nasepna uhah zong zuau-in, Khrih’ sawltak taktak a battheih nadingun a mel kiseel ahi uh hi.

2 KORIN NIHNA 4:5

Bang hang hiam cih leh kote’ hilh thu pen komau’ thu hi lo a, Khrih Jesuh pen Topa ahi hi, ci-in a hilh ka hi uh a, kote pen Khrih hangin nomau’ na a semte ka hi uh hi.

2 KORIN NIHNA 1:19

Bang hang hiam cih leh Silvanas, Timoti, le keimah in note lakah a thu ka hong hilhhilh uh Pasian’ Tapa Jesuh Khrih pen hih ding a cihte hihlo ding ci-in a thu a kheel themthum pa hi lo a, hih ding a cihte hih ding mah hi pah hi.

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

2 KORIN NIHNA 12:20

Bang hang hiam cih leh note kiangah ka hong tun ciangin note’ omzia ding ka deih bangin na om loh khak ding uh le note in keima maisuah na muhnopzia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna, le buaina a omkhak ding ka lunghimawh hi.

1 KORIN MASA 13:3

Ka neih khempeuh midangte tungah pia-in, Pasian’ nasepna hangin kihaltumna ka thuak ahi zongin itna ka neih kei leh ka phattuamna bangmah om lo hi.

1 KORIN MASA 1:23

Ahi zongin kote in singlamteh tungah a kikhai Khrih’ thu ka hilh uh a, tua thu pen Jew mite a dingin a hehhuai thu hi a, Gentail mite a dingin a haihuai thu ahi hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Sawltak 8:35

Filip zong a kam ka-in thugen ding kipan a, tua a Lai Siangtho simna mun a kipanin Jesuh thu ciang dong a gen hi.

Sawltak 5:42

Nisimin biakinn sung le mite inn-ah thu hilh uh a, Jesuh, Khrih hi, cih Lungdamna Thu a gengen uh hi.

Sawltak 8:5

Filip zong Samaria gam khuapi-ah pai-in Khrih thu a hilh hi.

ROM (Romans) 2:8

ahi zongin ama deihna bek zui-in, a gamtat dingin a kilawm bangin gamta loin, a man loin a gamta mite tungah Pasian in ama hehna hangin gimna tungsak ding hi.