Filippi 1:13 - Tedim Bible

¹³ Bang hang hiam cih leh Khrih nasem ka hihna hangin thongkia ka hihna thu, inncing galkapte a kipanin mi khempeuh in a thei uh hi.

Tedim Bible Revision 2017

¹³ Bang hang hiam cih leh Khris nasem ka hihna hangin thong kia ka hihna thu, inncing galkapte a kipanin mi khempeuh in a thei uh hi.

Filippi 1:13 Referans Kwoze

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mithat bangin sikkol hong kibulh hi. Pasian’ thu ahihleh sikkol kibulh thei lo hi.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna-ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Efesa 6:20

Pasian’ thu genin taangmi ka sepna hang mahin sikkhau khihna thuakin thongkia ka hih manin ka hilh dingin a kilawm bangin hangtakin ka gen ngam nadingin thu hong ngetsak ta un.

Sawltak 26:29

Paul in, “Nangmah a kipan tuni-a ka thugen a za mi khempeuh hun tomno sung ahi a, hunsau sungin ahi zongin, hih bangin sikkhau hong kikhihna simloh, keimah nong batkim nadingun Pasian kiangah thu ka ngen hi,” a ci hi.

Filippi 4:22

Hih lai-a om Khristian khempeuh, a diakdiakin kumpi nasem i lawmte in note hong hopih uh hi.

Sawltak 28:30

Paul kum nih sung ama saptawm inn sungah amah bekin om a, ama kiangah a hawh khempeuh tawh thu a kikum hi.

Sawltak 28:20

Israel mite in a lamet uh mipa’ hangin sikkhau khihna thuakin thongkia mi ka suak hi. Hih thute khempeuh note kiangah hong gennuam ka hih manin a hong samsak ka hi hi,” a ci hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pate’ ngeina tawh kisai-in ahi zongin khialhna bangmah nei lo napi-in Jerusalem khua-ah hong kimanin thongah hong kikoih a, Rom kumpite’ khut sungah hong ki-ap hi.

Sawltak 26:31

Amaute a paikhiat khit uh ciangin, “Hih mipa in thongkiat nading ahi a, sih nading ahi zongin a thuak nadingin bangmah om lo hi,” a kici uh hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

Filippi 1:30

Tua ahih ciangin tu-in note in na hong muh uh ka galdona le tu mahmahin ka do lailai na zak uh thute-ah kei na hong dopih thei ding uh hi.