Filippi 1:10 - Tedim Bible

¹⁰ Tua hileh Khrih hong paikik ni ciangin paubaanna om loin a siangtho na hi ding uh hi.

Tedim Bible Revision 2017

¹⁰ Tua hileh Khris hong paikik ni ciangin paubaanna om loin a siangtho na hi ding uh hi.

Filippi 1:10 Referans Kwoze

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

1 THESALONIKA MASA 5:23

Nopsakna a hong pia Pasian in na khempeuhah sianthona le kicinna hong pia hen la, na kha uh, na nuntakna uh, le na pumpi uh hoihtakin hong kem hen la, i Topa Jesuh Khrih hong pai ciangin mawhna khat zong a nei het lo dingin hong bawl tahen.

ROM (Romans) 2:18

Thukham thei na hih manun Pasian’ deihnate na thei uh a, a man le a man lo na khenthei uh hi.

Efesa 5:10

Bangteng in Topa lungkimsak ahi hiam, ci-in kan un.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Filippi 1:6

Note sungah hih nasep hoih a hong pankhia Pasian in Jesuh Khrih hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

1 THESALONIKA MASA 5:21

Thu khempeuh entel pha unla, a hoihte kemin,

1 KORIN MASA 1:8

Ama hong kilatkik hun ciang dong, a tawp dongin mawhna le kisuanna nei loin na om nadingun i Topa Jesuh Khrih mah in note hong huh ding hi.

Mangmuhna 2:2

“Note’ nasepna, na gimna uh le lungduai takin na thuakna uh, le migilote koihmawk loin, sawltak hi lo napi-in sawltak hi ung, a ci mite dongtelin sawltak ahihlohna uh na muhkhiatnate uh ka thei hi.

Johan 1:47

Jesuh in ama kiangah Nethanel hong pai a muh ciangin, “En un, hih mipa, Israel mi taktak hi a, a lungsimah zuauthu om het lo hi,” a ci hi.

Mattiu 16:23

Ahi zongin Jesuh kihei-in Peter kiangah, “Satan aw, ka nungah om in. Hih na ngaihsutnate Pasian’ ngaihsutna hi loin mihingte’ ngaihsutna ahih manin ka lam a hong khaktan ding a suak hi,” a ci hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koihkhia unla, Topa’ na sem un.

2 KORIN NIHNA 1:12

Kote’ kisialhpih thu in: hih leitung a ka gamtatnate uh le a diakdiakin note tungah kong gamtatnate uhah, mihingte’ pilna a zang hi loin Pasian hehpihna vang tawh, Pasian’ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

ROM (Romans) 12:9

Na ki-itnate uh lungsim takpi tawh hi sak unla, a siate mudahin a hoihte lenkip un.

ROM (Romans) 8:7

Mi khatpeuh in ama pumpi deihna a ki-uksak ciangin Pasian’ thukhamte zui lo ahih manin Pasian’ gal suak a, a zuihnop hangin zong zui thei lo hi.

Mattiu 26:33

Peter in, “Adang khempeuh in hong taisan zongin ke’n kong nusia ngei kei ding hi,” a ci hi.

Micah 3:2

thuhoih deih loin thusia na deih zawsop uh hi. Note in mite’ vun na hing hawkkhiat uh a, a guh uh na hing kheuh uh hi.

JOB (Job) 34:3

An na ciap uh ciangin a lim a lim lo na thei uh hi. Thu kigen na zak uh ciangin pil kampau le hai kampau na khenthei uh hi.

JOB (Job) 12:11

Leii in an a ciap mah bangin, bil in ngai thei hi lo ahi hiam?

Piancilna 20:5

Amahmah in kei kiangah, ‘Amah, ka sanggamnu ahi hi,’ hong ci hi lo ahi hiam? A numei mahmah in zong, ‘Amah, ka sanggampa ahi hi,’ hong ci hi. Tua ahih ciangin lungsim kisuang hetloin a gamta ka hi a, khial ka kisa kei hi,” a ci hi.

Filippi 1:16

Hih bang mite in, Pasian’ hong sawlna tawh lungdamna thu ka hutna hangin thongkia ka hihna thu thei-in, itna lungsim tawh Pasian’ thu a hilh uh hi.

Efesa 6:24

Tatsat loin i Topa Jesuh Khrih a it tawntung mi khempeuh tungah hehpihna thupha hong tung tahen.

Efesa 4:15

itna lungsim tawh thutak genin, lutang ahi Khrih tawh i kibat dongin i khangto ding hi.

Galati 5:11

Sanggamte aw, vun-atna kisam hi, ci-in a hilh lai hi leng, bang hangin bawlsiatna thuak zenzen ding ka hi hiam? Tua bangin thu a hilh hi leng, singlamteh tunga Khrih’ sihna thu ka hilhna hangin bangmah buaina a om kei ding hi.

2 KORIN NIHNA 8:8

Hih bang ka hong gen ciangin thupiakna tawh a hong gen hi loin, midangte in tua zahin mi huh nading kin ahihleh note in zong midang na itna uh bangzah taktak ahi hiam, ci-in ka theihnopna ahi hi.

2 KORIN NIHNA 6:3

Ka nasepna uhah mite in mawhna hong zon ding uh ut lo ka hih manun kuamah ka nawngkaisak khak loh nadingun ka hanciam uh hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

1 KORIN MASA 10:32

Jew mi ahi a, Gentail mi ahi a, Pasian’ pawlpi mi ahi zongin na lungnopmawhsak loh nadingun na gamta un.

1 KORIN MASA 8:13

Tua ahih manin nekna in thu upna sungah ka sanggamte khat a khialsak ding ahihleh, amah a pukkhak loh nadingin milim biakna sa ka ne ngei het kei ding hi.

ROM (Romans) 16:17

Lawmte aw, note’ theihsa thute gensia langpangin, mite’ upna nawngkaisakin pawl a kikhensak mite kidawm un. Tua bang mite tawh kikhawl vet kei un.

ROM (Romans) 7:22

Ka lungsim tawng taktakah Pasian’ thukham hoih ka sa hi.

ROM (Romans) 7:16

Ka hih nop lohteng ka hih veve ciangin Thukham a deihhuai khat hi, ci-in ka ngaihsutna hong langsak hi.

Sawltak 24:16

Tua ahih manin Pasian mai le mite mai-ah lungsim kisuanna a om het lo dingin a tawntungin ka gamta hi.

Johan 3:20

A gamtat hoih lo mite in a siatna uh a kilatkhak ding ut lo uh ahih manin khuavak deih lo uh a, khuavakah pai nuam lo uh hi.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khrih hong paikik ni ciangin kei ka kisial thei ding hi.