Filemon 1:24 - Tedim Bible

²⁴ ka naseppih Marka, Aristarkhas, Demas, le Luka-te in hong hopih uh hi.

Tedim Bible Revision 2017

²⁴ ka nasep pih Marka, Aristarkhas, Demas le Luka te in hong hopih uh hi.

Filemon 1:24 Referans Kwoze

Kolose 4:14

I it siavuanpa Luka le Demas in zong hong hopih uh hi.

Kolose 4:10

Kei tawh thong a kiakhawm Aristarkhas in note hong hopih hi. Barnabas’ sanggamnu’ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

Sawltak 19:29

Khuasung khempeuhah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi-ah a kai uh hi.

Sawltak 12:12

Hih thu a phawk khit ciangin Johan Marka nu Mary’ inn-ah a pai hi. Tua lai-ah mi tampi kikhawmin thu a na ngen uh hi.

Sawltak 27:2

Adramittium khua teembaw khawlna panin Asia gam lam manawh dingin a kithawi teembaw-ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.

Sawltak 12:25

Barnabas le Saul in a nasep a man khit uh ciangin Jerusalem khua panin ciahkik uh a, Johan Marka zong a ciahpih uh hi.

3 JOHAN THUMNA 1:8

Tua ahih manin Pasian thuman nasepna-ah nasem khawm mite ihih theih nadingin ei Khristiante in hih bang mite i huh ding ahi hi.

Filippi 4:3

Hih numei nihte in Klement le a nungta mite a kikhumna Pasian’ laibu sungah a kikhum, ka naseppih dangte khempeuh tawh, lungdamna thu a kizelh nadingin nakpitakin kei tawh na hong semkhawm uh ahih manin, citakin kei tawh na a semkhawm note in zong amau tegel na huh nadingun ka hong thum hi.

Filippi 2:25

Note in kamtai ding le keimah hong huh dingin na hong sawl uh, kei tawh na semkhawmin gal hong simpih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

2 KORIN NIHNA 8:23

Titus ahihleh note a’ ding ka nasepna-ah ka kikholhpih ka naseppih mi hi a, amah tawh hong kithuah ka sanggam tegel uh ahihleh pawlpite’ tang hi uh a, Khrih’ min a thangsakte ahi uh hi.

Sawltak 13:13

Tua ciangin Pafos khua panin Paul le a lawmte teembaw tuangin Pamfilia gam Perga khua a tung uh hi. Tua khua panin Johan Marka in amaute nusia-in Jerusalem khua-ah a ciahkik hi.

1 PETER MASA 5:13

Note mah bangin Pasian in a teel, Babylon khua-a om pawlpi mite in hopihna kam hong khak uh a, ka tapa Marka in zong note hopihna kam mah hong khak hi.