Filemon 1:21 - Tedim Bible

²¹ Ka hong genna sangin a hoihzaw a phazaw-in na gamta ding, ci-in muan mahmahna tawh hih lai a hong gelh ka hi hi.

Tedim Bible Revision 2017

²¹ Ka hong genna sangin a hoih zaw a pha zaw-in na gamta ding, ci-in muan mahmahna tawh hih lai a hong gelh ka hi hi.

Filemon 1:21 Referans Kwoze

2 THESALONIKA NIHNA 3:4

Note kiangah ka hong gen uh thute a kipat cil a kipanin na zuih uh mah bangin zui paisuak taktak ding, ci-in note muanna lungsim kote sungah Topa in hong guan hi.

2 KORIN NIHNA 2:3

Kei lungdam leng note khempeuh zong a lungdam ding na hihna uh teltakin thei ka hih manin, kei a hong lungdamsak ding note in kei’ dahna nong piansakkhak loh nading uh ka deihna tawh kei hong pai loin tua lai a hong gelh ka hi hi.

2 KORIN NIHNA 7:16

Note hong muang mahmah ka hih manin ka lungsim a nuam hi.

Galati 5:10

Eite, Topa tawh a kipawl khawmte ihih manin kei tawh a kilamdangin note in bangmah ngaihsut tuam nei het lo ding, ci-in ka hong muang a, a kua a kua hitaleh note hong nawngkaisakte pen Pasian in gim pia ding hi, ci-in ka um hi.

2 KORIN NIHNA 8:22

Amau tegel tawh hong kithuah dingin thu upna sungah ka sanggam uh adang khat tawh zong ka hong tonsak uh hi. Amah pen na khempeuhah thuman mahmah hi, ci-in ka theih khitsa uh hi a, note hong muan mahmahna hangin note hong huh ding a lawpna khang semsem hi.

ROM (Romans) 2:19

Mittawte lam a lak ding, khuamial sunga om mite khuavak a musak ding,