Ezra 9:4 - Tedim Bible

⁴ Tua ciangin sal a suak hih mite’ cihtak lohna hangin Israel Pasian’ gim piak ding lau-in a ling mite khempeuh kei kiangah hong kikhawm uh a, nitak biakpiak hun dong cih nading thei loin ka om hi.

Tedim Bible Revision 2017

⁴ Tua ciangin sal a suak hih miteʼ cihtak lohna hangin Israel Pasianʼ gim piak ding lau-in a liing mite khempeuh kei kiangah hong kikhawm uh a, nitak biakpiak hun dong cih nading thei loin ka om hi.

Ezra 9:4 Referans Kwoze

Ezra 10:3

Tua ahih ciangin tu-in, ka topa uh nangma ngaihsutna le i Pasian’ thupiakna a kihta mite’ ngaihsutna bangin hih i zite le a tate uh i makna ding thu i Pasian’ tungah kiciam ni. Tua ciangin thukham sunga om bangin gamta ni.

Isaiah 66:2

Hih nate khempeuh keima bawlsa ahih manin hih nate khempeuh keima-a’ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu-ah lau-in a ling kelkel pa, keima deih mipa ahi hi.

Paikhiatna 29:39

Tuuno khat zingsang lamin na pia ding a, adang tuuno khat nitak lamin na pia ding hi.

Late 119:136

Mite in nangma thu zui lo uh ahih manin ka khitui hawk luanin a luang hi.

2 KHANG TANGTHU NIHNATE 34:27

hih mun le a tunga tengte langpanna ama kammal na zak ciangin na lungsim kisikin Pasian’ mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

Sawltak 3:1

Nikhat, thunget hun nitak nai thum laitakin biakinn-ah Peter le Johan a pai uh hi.

Daniel 9:21

Thu ka nget laitakin ka maangmuh masak sunga ka muh mipa Gabriel, ka omna munah a hong leengsuk hi. Tua hun pen nitak lam biakpiak hun laitak ahi hi.

Ezekiel 9:4

“Jerusalem khuasung khempeuhah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltangah ciaptehna va bawl in,” ci-in a sawl hi.

Ezra 10:9

Tua ahih ciangin Judah le Benjamin mi khempeuh ni thum sungin Jerusalem-ah hong kikhawm uh a, tua pen a kha kuana a ni sawmnih ni ahi hi. Tua hi a, Pasian’ biakinn mai inntualah hih thu hangin mi khempeuh patau-in guah lakah lingin a tu uh hi.

Daniel 10:2

Tua hun laitakin keimah Daniel, nipikal thum sung khakunin dahin ka om hi.

Paikhiatna 29:41

Tuuno adang khat nitakin na pia ding a, zingsang a mah bangin a gim namtui ding, Topa’ mai-ah mei tawh kihal biakna-in an tawh biakna le tuibuah tawh na pia khawm ding hi.

Gamlak-vakna 25:6

Kikhopna bukkongah amaute kapin a om laitak, Moses’ muhna le Israel mihon buppi’ muhna-ah Israel mite khat hong pai-in, Midian numei khat ama innkuanpihte kiangah hong ciahpih hi.

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.