Ezra 5:3 - Tedim Bible

³ Tua laitakin Eufratis Gungal gam sung teng a uk sawn Tattenai, Shetharbozenai, le amau’ lawmte hong paipahin amaute kiangah, “Note in hih biakinn lamkikin a nate na bawlna ding uh kua in thu hong pia ahi hiam?” a ci uh hi.

Tedim Bible Revision 2017

³ Tua laitakin Eufratis Gun gal gam sungteng a uk sawn Tattenai, Shethar-bozenai le amauʼ lawmte hong pai pahin amaute kiangah, “Note in hih biakinn lamkikin a nate na bawlna ding uh kua in thu hong pia ahi hiam?” a ci uh hi.

Ezra 5:3 Referans Kwoze

Ezra 6:6

Tua ciangin Kumpi Darias in hih bangin thu a pia hi: “Tu-in Eufratis Gungal gam a uk Tattenai, Shetharbozenai, le Eufratis Gungal gam sung a vaan na lawmte, tua mun panin na kihemkhia ding uh hi.

Ezra 6:13

Tua ciangin Kumpi Darias in amaute tungah a thupiak bang teekteekin Eufratis Gungal gam sung a uksawn Tattenai, Shetharbozenai, le a lawmte in sem uh hi.

Ezra 5:9

“Hih biakinn a kilamkikna ding le a nate a zawh nadingin kua in thu pia hiam, cih thu hih upate tungah ka dong uh hi.

Ezra 1:3

Note lakah ama mi peuhmah a Pasian in ompih hen la, Judah gam sung Jerusalem khua-ah paito hen la, Israel Pasian, Topa’ biakinn lamkik hen. Amah pen Jerusalem-ah a om Pasian ahi hi.

Sawltak 4:7

Amaute’ mai-ah sawltak tegel dingsak uh a, “Kua’ vangliatna le kua’ min tawh hih bangin na sem na hi uh hiam?” ci-in a dong uh hi.

Mattiu 21:23

Biakinn tual sungah Jesuh lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Ezra 7:21

“Tua hi a, kumpipa keimah Artakzaksis in Eufratis Gungal gam sunga om kumpi vankemte khempeuh tungah hih bangin thu ka pia hi: Vantung Pasian’ thukham a siam lai a thei, siampi Ezra in note tung panin a kisapna hong nget ciangin,

Ezra 5:6

Eufratis Gungal gam a uk sawn Tattenai, Shetharbozenai, le Eufratis Gungal gam sung thu a vaan ama lawmte in Kumpi Darias tungah lai khak uh hi.

Ezra 4:12

“Nangma kiang panin ko kiangah a hong pai Judah mite, tu-in Jerusalem-ah tung khin uh a, a gilo, mi lehdo thei ahi khuapi pen amaute in lamkikin, amaute in a khua bulpi vel khinin, kulhpi cian’ a kipat khitna thu thei in.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtiel’ tapa Zerubbabel, Judah gam ukpa le Jehozadak’ tapa Joshua, siampi lianpen pa tungah gen ding ahi hi.

Ezra 4:9

Menzipipa Rehum, lai-at Shimshai, le a lawmte khempeuh, thukhente, mangpite, thuvaante, uliante, Erek khuami le Babylon khuami, Susa khua-a om Elam mite,