Ezra 5:2 - Tedim Bible

² Tua ciangin Shealtiel’ tapa Zerubbabel le Jozadak’ tapa Jeshua, Jerusalem-a Pasian’ biakinn lamkik ding kipan pah uh a, Pasian’ kamsangte in amaute ompihin huh uh hi.

Tedim Bible Revision 2017

² Tua ciangin Shealtielʼ tapa Zerubbabel le Jozadakʼ tapa Jeshua, Jerusalem-a Pasianʼ biakinn lamkik ding kipan pah uh a, Pasianʼ kamsangte in amaute ompihin huh uh hi.

Ezra 5:2 Referans Kwoze

Ezra 3:2

Tua ciangin Jozadak’ tapa Jeshua le a siampipihte, le Shealtiel’ tapa Zerubbabel le a behte hong kipan uh a, Pasian’ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Ezra 6:14

Tua hi a, kamsang Haggai le Iddo’ suan Zekhariah’ thugenna hangin Judah upate in a biakinn lam uh zom suakin maavang uh hi. Israel Pasian’ sawlna le Persia kumpi Sairas le Darias le Artakzaksis-te’ thupiakna tawh amaute in a biakinn lam uh a zo uh hi.

2 KORIN NIHNA 1:24

Hih bangin um un, ci-in thatanghat thu tawh a hong gen ding ka hi kei uh hi. Note na upna uhah kipkhin na hih manun note’ lungdam nadingin note tawh na a semkhawm ka hi uh hi.

Zekhariah 6:11

Amaute’ hong piak ngun le khamte zangin kumpi lukhu khat bawl in la, Jehozadak’ tapa, siampi lianpen a sem Joshua khusak in.

Ezra 10:18

Siampite beh lak panin Jozadak’ tapa Jeshua le a sanggamte beh sung panin Maaseiah, Eliezer, Jarib, le Gedaliah-te in gamdang numei a tenpihna kimu hi.

Haggai 2:18

Tu-in, kha kuana a ni sawmnih le ni li ni, biakinn bulpi a kiphuh khit, tuni a kipanin limtakin ngaihsun un.

Ezra 1:8

Persia kumpi Sairas in hihte pusuahin sumkem pa Mithredath’ khut sungah ap hi. Tua pa in Judah ukpa Sheshbazzar a dingin a malzah simin sazian bawlsak hi.

Ezra 3:8

Amaute, Jerusalem khua-a Pasian’ biakinn-ah a hong ciahkik uh a kum nihna, tua kum a kha nihna sungin Shealtiel’ tapa Zerubbabel le Jozadak’ tapa Jeshua, nasep kipan uh a, a Israel mipihte, siampite, Levi mite, le salsuahna panin Jerusalem-ah a hong ciahkik mite khempeuh in zong a huh uh hi. Amaute in Levi mite kum sawmnih panin a tungsiah peuhmah Topa’ biakinn sungah biakna nasepte a vaan dingin a seh uh hi.

Zekhariah 4:4

Tua ciangin kei zong vantungmi kiangah, “Sia aw, hihte bang a cihnopna ahi hiam?” ci-in ka dot ciangin

Zekhariah 4:14

Tua ciangin amah in, “Leitung khempeuh’ Topa’ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Zekhariah 8:9

“Thakhauhin lungsim hang un. Ka biakinn a kilamkikna ding a bul a kiphuh laitakin kamsangte in a gen thute mah a za na hi uh hi.