Ezra 4:3 - Tedim Bible

³ Ahih hangin Zerubbabel le Israel sunga innkuan lutang a omlaite in amaute kiangah, “Kote’ Pasian a dingin ka lam uh biakinn pen note’ hong lunghihmawhpih ding hi lo hi. Persia kumpipa Sairas in kote hong thupiaksa bangin Israel Pasian, Topa a dingin ko teng guak mah in ka lam ding uh hi,” a ci uh hi.

Tedim Bible Revision 2017

³ Ahih hangin Zerubbabel le Israel sunga innkuan lutang a omlaite in amaute kiangah, “Koteʼ Pasian adingin ka lam uh biakinn pen noteʼ hong lunghihmawh pih ding hi lo hi. Persia kumpipa Sairas in kote hong thupiak sa bangin Israel Pasian, Topa adingin ko teng guak mah in ka lam ding uh hi,” a ci uh hi.

Ezra 4:3 Referans Kwoze

Nehemiah 2:20

Tua ciangin amaute dawngin, “Vantung Pasian in ka maa uh hong telhsak ding a, ko ama nasemte in nasep a kipan ta ka hi uh hi; note in ahihleh Jerusalem tawh kisai-in thu na neih theih nadingun bangmah kimematna na nei kei uh hi,” ka ci hi.

Sawltak 8:21

Pasian in na lungsim man hong sa lo ahih manin kote’ nasepna-ah nang nong kihel thei kei ding hi.

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Isaiah 45:4

Ka nasempa Jakob, ka teelsa Israel ka ngaihsutna-in nang pen na minin kong sam a, nong theih loh hangin min thak kong phuak hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik ding a,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tun theih nadingin, Topa in Persia kumpipa Sairas’ lungsim hanthawn a, amah in a kumpi gam sung khempeuhah taangkona khat bawl a, lai-in zong a gelh hi. A lai gelhna-ah,

Johan 4:9

Jew mite in buah tang uh a, Samaria mite’ na zatte zanglo uh ahih manin, Samaria numei in Jesuh kiangah, “Bang hangin nang Jew mi in kei Samaria numei kiangah tui hong ngen na hi hiam?” a ci hi.

Ezra 1:1

Persia kumpi Sairas’ uk kum khatna kumin, Jeremiah tungtawnin Topa’ thugen a tun theih nadingin, ama gam sung khempeuhah taangkona khat bawlin lai-in zong a gelh nadingin Persia kumpi Sairas’ lungsimah Topa in a suaksak hi. Amah in hih bangin a hih hi:

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Ezra 3:8

Amaute, Jerusalem khua-a Pasian’ biakinn-ah a hong ciahkik uh a kum nihna, tua kum a kha nihna sungin Shealtiel’ tapa Zerubbabel le Jozadak’ tapa Jeshua, nasep kipan uh a, a Israel mipihte, siampite, Levi mite, le salsuahna panin Jerusalem-ah a hong ciahkik mite khempeuh in zong a huh uh hi. Amaute in Levi mite kum sawmnih panin a tungsiah peuhmah Topa’ biakinn sungah biakna nasepte a vaan dingin a seh uh hi.

Ezra 1:3

Note lakah ama mi peuhmah a Pasian in ompih hen la, Judah gam sung Jerusalem khua-ah paito hen la, Israel Pasian, Topa’ biakinn lamkik hen. Amah pen Jerusalem-ah a om Pasian ahi hi.