Ezra 4:2 - Tedim Bible

² Zerubbabel, Jeshua, le innkuan lutangte kiangah va pai-in amaute kiangah, “Biakinn lamna-ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai a kipanin note’ Pasian’ tungah biakna ka pia uh hi,” a ci uh hi.

Tedim Bible Revision 2017

² Zerubbabel, Jeshua le innkuan lutangte kiangah va pai-in amaute kiangah, “Biakinn lamna ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai ah kote hong koih Assiria kumpipa Esar-haddonʼ hun lai a kipanin noteʼ Pasianʼ tungah biakna ka pia uh hi,” a ci uh hi.

Ezra 4:2 Referans Kwoze

2 KUMPI NIHNATE 19:37

Tua ciangin amah in ama pasian Nisrok’ biakinn sungah bia-in a om laitakin, ama tapate Adrammelek le Sharezer in namsau tawh amah thatin Ararat gamah a tai uh hi. Tua ciangin ama tangin a tapa Esarhaddon in a uk hi.

2 KUMPI NIHNATE 17:24

Tua ciangin Assiria kumpipa in Babylon, Kuthah, Avva, Hamath, le Sefarvaim panin mite paipih a, Israel mite’ tangin Samaria khuapite-ah amaute a koih hi. Amaute in Samaria gam luahin a khuapite-ah teng uh hi.

2 TIMOTI NIHNA 3:8

Jannes le Jambres-te in Moses thu a nial mah bangin upna paizia a man lo hih thuhilh mite in zong thuman thutak a nial uh hi.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Hosea 14:3

Assiria mite in hong honkhiazo ngei lo ding a, sakol galkapte in zong hong huzo ngei lo ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Isaiah 37:37

Tua ciangin Assiria kumpipa Sennakherib taikhia a, a inn-ah ciahin Nineveh khua-ah a teng hi.

Late 73:8

Amaute in mi thusim loin el pau uh a, kiliatsakna tawh a sucip dingin mi a tawng uh hi.

Ezra 3:12

Midang tampi lungdamin a aw neih zahun a kiko uh hangin a biakinn masa a mu ngeisa siampite, Levi mite, le innkuan lutang, midang tampite in hih biakinn bulpi a kiphuh a muh uh ciangin kapin a thum uh hi.

Ezra 3:2

Tua ciangin Jozadak’ tapa Jeshua le a siampipihte, le Shealtiel’ tapa Zerubbabel le a behte hong kipan uh a, Pasian’ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, le Baanah-te makai-in tua mite a ciahpih uh hi. Israel mi phazahte:

Ezra 1:5

Tua ciangin Judah le Benjamin sunga innkuan lutangte, le siampite le Levi mite, Jerusalem khua-a om Topa’ biakinn a lamkik dingin a lungsim sung uhah Pasian in a suahsak mite khempeuh kithawi uh hi.

2 KUMPI NIHNATE 17:41

Tua ahih ciangin hih minamte in Topa bia uh a, a kiseek amau’ milimte’ na zong semkawm uh hi. A tate uh le a tate uh’ tate zong tua bangmahin gamta uh hi. A pu a pate uh gamtat bangin a suan a khakte uh tuni dongin gamta uh hi.

Piancilna 10:11

Tua gam panin Assiria gam sungah amah pai-in Nineveh, Rehoboth-Ir, Kalah, le

Nehemiah 9:32

“‘Tua ahih ciangin tu-in a lian, a vanglian, a kihtakhuai, thuciamna kiptakin a len kote’ Pasian aw, Assiria kumpite’ hun a kipan tuni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

Isaiah 37:38

Amah in ama pasian Nisrok inn-ah bia-in a om laitakin, ama tate Adrammelek le Sharezer in namsau tawh amah that uh a, Ararat gamah a tai uh hi. Tua ciangin a tapa Esarhaddon in ama tangin a uk hi.