Ezra 3:8 - Tedim Bible

⁸ Amaute, Jerusalem khua-a Pasian’ biakinn-ah a hong ciahkik uh a kum nihna, tua kum a kha nihna sungin Shealtiel’ tapa Zerubbabel le Jozadak’ tapa Jeshua, nasep kipan uh a, a Israel mipihte, siampite, Levi mite, le salsuahna panin Jerusalem-ah a hong ciahkik mite khempeuh in zong a huh uh hi. Amaute in Levi mite kum sawmnih panin a tungsiah peuhmah Topa’ biakinn sungah biakna nasepte a vaan dingin a seh uh hi.

Tedim Bible Revision 2017

⁸ Amaute, Jerusalem khua-a Pasianʼ biakinn ah a hong ciahkik uh a kum nihna, tua kum a kha nihna sungin Shealtielʼ tapa Zerubbabel le Jozadakʼ tapa Jeshua, nasep kipan uh a, a Israel mipihte, siampite, Levi mite le salsuahna panin Jerusalem ah a hong ciahkik mite khempeuh in zong a huh uh hi. Amaute in Levi mite kum sawm nih panin a tungsiah peuhmah Topaʼ biakinn sungah biakna nasepte a vaan dingin a seh uh hi.

Ezra 3:8 Referans Kwoze

Ezra 4:3

Ahih hangin Zerubbabel le Israel sunga innkuan lutang a omlaite in amaute kiangah, “Kote’ Pasian a dingin ka lam uh biakinn pen note’ hong lunghihmawhpih ding hi lo hi. Persia kumpipa Sairas in kote hong thupiaksa bangin Israel Pasian, Topa a dingin ko teng guak mah in ka lam ding uh hi,” a ci uh hi.

1 KHANG TANGTHU MASATE 23:4

David in, “Hihte sung panin tul sawmnih le tulli in Topa’ biakinn sungah nasep uk ding a, tulguk pen maangte le thukhente hi ding a,

Gamlak-vakna 4:3

kikhopna buk sungah na a sem thei ding kum sawmthum pan kum sawmnga a pha mi khempeuh sim in.

Ezra 3:2

Tua ciangin Jozadak’ tapa Jeshua le a siampipihte, le Shealtiel’ tapa Zerubbabel le a behte hong kipan uh a, Pasian’ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Ezra 5:16

Tua ciangin Sheshbazzar hong pai-in Jerusalem-a Pasian’ biakinn a bulpi hong phut hi. Tua hun a kipanin tu dong lamkik kisem suak a, ahi zongin kizo nai lo hi,’ ci uh hi.

Zekhariah 4:9

Amah in, “Zerubbabel in biakinn bulpi phut khin a, biakinn lam zong a zo ding hi. Tua ciangin ka mite in, amaute kiangah nang kong sawlna thu hong thei ding uh hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuhah amah cithei ding a, Topa’ biakinn lamkik ding hi.

1 KHANG TANGTHU MASATE 3:17

Babylon-ah sal a suak Jehoiakhin’ tapate: A tapa Shealtiel,

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, le Baanah-te makai-in tua mite a ciahpih uh hi. Israel mi phazahte:

Ezra 4:24

Tua hun a kipanin Jerusalem-a om Pasian’ biakinn a kisepna a khawl hi. Persia kumpi Darias’ uk a kum nihna dong tua bangin a khawlcip phot hi.

Ezra 5:2

Tua ciangin Shealtiel’ tapa Zerubbabel le Jozadak’ tapa Jeshua, Jerusalem-a Pasian’ biakinn lamkik ding kipan pah uh a, Pasian’ kamsangte in amaute ompihin huh uh hi.

Ezra 10:18

Siampite beh lak panin Jozadak’ tapa Jeshua le a sanggamte beh sung panin Maaseiah, Eliezer, Jarib, le Gedaliah-te in gamdang numei a tenpihna kimu hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtiel’ tapa Zerubbabel, Judah gam ukpa le Jehozadak’ tapa Joshua, siampi lianpen pa tungah gen ding ahi hi.