Ezra 3:7 - Tedim Bible

⁷ Tua hi a, amaute in suangseekte le khutsiamte tungah sum pia uh a, Persia kumpi Sairas’ tung panin a thu ngahna bangun Lebanon mualtung gam panin tuipi gei Joppa khua-ah taamtak singte a hong puaksuk ding Sidon khuamite le Taia khuamite tungah zong annek tuidawn le sathau a pia uh hi.

Tedim Bible Revision 2017

⁷ Tua hi a, amaute in suangseekte le khutsiamte tungah sum pia uh a, Persia kumpi Sairasʼ tung panin a thu ngahna bangun Lebanon mual tung gam panin tuipi gei Joppa khua ah taamtak singte a hong puak suk ding Sidon khua mite le Taia khua mite tungah zong an nek tui dawn le sathau a pia uh hi.

Ezra 3:7 Referans Kwoze

1 KUMPI MASATE 5:6

Tua ahih ciangin Lebanon taamtak singte kei a dingin a kiphukna ding thu pia in; ka nasemte in nangma nasemte seppih ding uh a, nangma seh bangin na nasemte’ thaman ding nang tungah kong pia ding hi; bang hang hiam cih leh Sidon mite bangin sing suih a siam kote lakah khat zong a om lohna na thei hi,” a ci hi.

Sawltak 12:20

Taia khuamite le Sidon khuamite tungah Herod heh mahmah ahih manin Herod tawh a kimu dingin hih khua nih mite hong paikhawm uh hi. A masa-in kumpi innsunga ulian nasem ahi Blastus a pawlmat phot uh hi. Hih khua nihte’ annek tuidawn pen hih kumpipa’ gam panin a ngah uh ahih manin Blastus makai sakin Herod kiangah va pai-in kilem nading thu a va gen uh hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Jonah 1:3

Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.

Ezekiel 27:17

Judah le Israel gammite in zong na van leina-in mangbuh, oliv thau, le theipal, khuaizu le sing namtui tuamtuamte hong pia uh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:43

Joppa khua-ah ni tampi sung Peter tamlai a, savunnim nasepin a nei Simon a kici mipa tawh a omkhawm hi.

2 SAMUEL NIHNA 5:11

Tua ciangin Taia kumpipa Hiram in kamtaite le taamtak singte, le David a dingin inn khat a lamsak khutsiamte, le leilesuang innlam a siamte zong a puak hi.

Ezra 3:6

Topa’ biakinnpi a bul a kiphuh nai loh hangin a kha sagihna a ni masa ni a kipanin amaute in Topa’ tungah meihal biaknate piak ding kipan uh hi.

2 KUMPI NIHNATE 12:10

Singkuang sungah sum tam om hi, ci-in a theih peuhpeuh uh ciangin kumpipa’ lai-at pa le siampi lianpen pa hong paito-in Topa’ biakinn sungah a om sumte amaute in simin ip-in tun uh hi.

2 KUMPI NIHNATE 12:13

Ahih hangin Topa’ biakinn a dingin ngun kuangte, taitehte, haite, peengkulte, ahih kei leh kham ahi a, ngun nazat khat peuhpeuh ahi zongin, Topa’ biakinn-ah a kipaipih sumte panin kibawl lo hi.

2 KHANG TANGTHU NIHNATE 34:10

Amaute in Topa’ biakinn a vaan nasemte tungah tua sumte pia uh hi. Tua ciangin Topa’ biakinn-ah a sem nasemte in biakinn puahna ding le a ngei batsakkik nadingin pia uh hi.