Ezra 1:5 - Tedim Bible

⁵ Tua ciangin Judah le Benjamin sunga innkuan lutangte, le siampite le Levi mite, Jerusalem khua-a om Topa’ biakinn a lamkik dingin a lungsim sung uhah Pasian in a suahsak mite khempeuh kithawi uh hi.

Tedim Bible Revision 2017

⁵ Tua ciangin Judah le Benjamin sunga innkuan lutangte le siampite le Levi mite, Jerusalem khua-a om Topaʼ biakinn a lamkik dingin a lungsim sung uh ah Pasian in a suahsak mite khempeuh kithawi uh hi.

Ezra 1:5 Referans Kwoze

Ezra 1:1

Persia kumpi Sairas’ uk kum khatna kumin, Jeremiah tungtawnin Topa’ thugen a tun theih nadingin, ama gam sung khempeuhah taangkona khat bawlin lai-in zong a gelh nadingin Persia kumpi Sairas’ lungsimah Topa in a suaksak hi. Amah in hih bangin a hih hi:

Filippi 2:13

Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.

2 KORIN NIHNA 8:16

Kote’ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

Nehemiah 2:12

Tua ciangin zanin vakkhia-in mi tawmkhat ka tonpih hi. Ahi zongin Jerusalem a dingin ka bawlsak ding ka Pasian in ka lungsimah hong suahsak thu kuama kiangah ka gen kei hi. Keima tuanna simloh ganhing dang ka kizuisak kei hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tun theih nadingin, Topa in Persia kumpipa Sairas’ lungsim hanthawn a, amah in a kumpi gam sung khempeuhah taangkona khat bawl a, lai-in zong a gelh hi. A lai gelhna-ah,

3 JOHAN THUMNA 1:11

Ka hong it lawm Gaias aw, mi hoih lote’ gamtatna zui kei inla, mihoihte’ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.

Paunak 16:1

Mite in bangbang a geel zongin Topa’ deihna bang bekin a piang ding hizaw hi.

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Ezra 1:4

Tua ciangin koilai mun koilai gam a om hitaleh Judah mi a omlai khempeuh, ama omna mun mite in Jerusalem-a om Pasian’ biakinn a dingin utthu-a a piakte uh banah, ngun le kham, nate le ganhingte tawh zong huh ciat uh hen,” a ci hi.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua, le salsuahna panin a hong ciahkik mi khempeuh’ sungah biakinn lamnopna lungsim a guan hi. Vanglian Topa, amau’ Pasian’ biakinn a lam dingin hong kithawi uh a,