Ezra 1:2 - Tedim Bible

² “Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Tedim Bible Revision 2017

² “Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua ah ama adingin biakinn khat ka lamsak ding hong sawl hi.

Ezra 1:2 Referans Kwoze

Isaiah 44:26

a nasempa’ thu kipsakin, a kamtaite’ thugente a sem pa, ‘Jerusalem khua-ah mi tengin, Judah khuapite kilamkik ding a, a kisia khuate ka lamkik ding hi,’ a ci pa;

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Daniel 4:32

Mite lak pan hong kihawlkhia ding a, gamsate tawh na tengkhawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingte’ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukhadnezzar kumpipa tungah a hong hilhzo hi.

Daniel 2:21

Amah in hun le khuahunte kheel a, kumpite koihin lah a lakhia hi. Amah in mite tungah pilna le theihna a pia hi.

Jeremiah 10:11

Amaute’ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

2 KHANG TANGTHU NIHNATE 2:12

Tua ciangin a lai sungah genthuah lai a, “Topa a dingin biakinn khat, le ama a dingin kumpi inn khat a lam ding, thutheihna le thutelna tawh a kidim mipil, David tungah a pia, van le lei a bawl Israel Topa Pasian in thupha ngah tahen.

1 KUMPI MASATE 8:27

“Ahih hangin leitungah Pasian teng taktak ding ahi hiam? Vantung le vantung a sangpen in nang hong huam zo lo hi. Tua ahih manin keima lamsa hih biakinn in bangzahin nang hong huam zo lo zaw kan ding ahi hiam?

Ezra 1:5

Tua ciangin Judah le Benjamin sunga innkuan lutangte, le siampite le Levi mite, Jerusalem khua-a om Topa’ biakinn a lamkik dingin a lungsim sung uhah Pasian in a suahsak mite khempeuh kithawi uh hi.

Ezra 3:7

Tua hi a, amaute in suangseekte le khutsiamte tungah sum pia uh a, Persia kumpi Sairas’ tung panin a thu ngahna bangun Lebanon mualtung gam panin tuipi gei Joppa khua-ah taamtak singte a hong puaksuk ding Sidon khuamite le Taia khuamite tungah zong annek tuidawn le sathau a pia uh hi.

Ezra 4:3

Ahih hangin Zerubbabel le Israel sunga innkuan lutang a omlaite in amaute kiangah, “Kote’ Pasian a dingin ka lam uh biakinn pen note’ hong lunghihmawhpih ding hi lo hi. Persia kumpipa Sairas in kote hong thupiaksa bangin Israel Pasian, Topa a dingin ko teng guak mah in ka lam ding uh hi,” a ci uh hi.

Late 136:26

Vantung Pasian’ tungah lungdamna ko un; bang hang hiam cih leh ama itna kip tawntung hi.

Isaiah 41:2

A paina peuhah a gualzo, nisuahna panin a hong pai mipa kua in hanthawn ahi hiam? Amah in ama khut sungah minam dangte pia khin ahih manin amah in kumpite tuancil hi. Amah in a namsau tawh amaute leivui bangin bawl a, ama thal tawh buhkung leeng a bangsak hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik ding a,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Isaiah 45:1

Kulhkongpi sungah a lut theih nadingin ama mai-ah kongkhakte a honsak ding, kumpite’ vangliatnate a lakkhiatsak ding, ama mai-ah minam dangte a zawhsak dingin, a taklam khutin a let, a sathau nilh pa Sairas tungah Topa in hih bangin ci hi:

Daniel 6:25

Tua ciangin Kumpi Darias in leitung a om minam kimte, minam tuamtuamte, le paunam tuamtuamte khempeuh tungah hih bangin lai a khak hi: “Note tungah nopsakna thupha om tahen.

Jonah 1:9

Amah in, “Kei pen Hebru mi ka hi hi; tuipi le leitang a bawl, vantungte’ Pasian ahi Topa ka bia hi,” a ci hi.

Ezra 5:15

Kumpipa in ama tungah, “Hih umlebeelte paipih inla, Jerusalem-a biakinn-ah va koihkik in. Tua lai-a Pasian’ biakinn pen a mun ngei mahah lamkik sak in,” ci hi.

Ezra 6:3

“Kumpi Sairas’ kum khatna kumin Jerusalem khua-a Pasian’ biakinn tawh kisai-in kumpipa in thu pia hi: Biakna kipia-in meihal biakna a kipaipihna munah biakinn lamsakkik un. A sanna pi sawmkua, a vai pi sawmkua mah hi ding a,

Ezra 6:10

Tua hileh amaute in vantung Pasian’ tungah a namtui biaknate pia-in kumpipa le a tapate’ nuntakna ding thu hong ngetsak thei ding uh hi.

Ezra 7:12

“Kumpite’ kumpi ahi Artakzaksis kiang panin vantung Pasian’ thukham a siam, siampi hi-in laithei pa lah ahi Ezra tungah:

Nehemiah 1:4

Hih thu ka zak ciangin tusukin ka kap niloh a, ni tampi sung an tangin, vantung Pasian kiangah thu ka ngen hi.

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

Late 85:2

Na mite’ mawhna na maisak a, amau’ khialhna khempeuh na maisak hi.

Paunak 21:1

Topa’ khut sungah kumpipa om a, lo sunga tuilak bangin a deihna peuhah hei kawikawi thei hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Jeremiah 29:10

“Topa in kong cihin-ah: Babylon khua-ah kum sawmsagih na om khit uh ciangin, note kong kan kik ding a, kong kamciamnasa hong tangtung sakin hih munah kong lakik ding hi.

Daniel 1:21

Sairas, Babylon kumpi a suah hun dong, kumpi inn-ah Daniel omto paisuak hi.