Efesa 5:2 - Tedim Bible

² Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Tedim Bible Revision 2017

² Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Efesa 5:2 Referans Kwoze

Johan 13:34

Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

Kolose 3:14

Hihte khempeuh banah, mi khempeuh kilem takin a hong om khawmsak thei ahi ki-itna na bulphuh un.

2 KORIN NIHNA 2:15

Hotkhiatna a ngah mite le a ngah lo mite lakah kote pen Khrih in Pasian tungah a piak paknamtui tawh ka kibang uh hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

1 KORIN MASA 16:14

Na sepna khempeuh uhah ki-itna tawh na gamta un.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

1 JOHAN MASA 3:16

Itna i cih bangci theih ding ihi hiam cih leh: Khrih in eite a dingin a nuntakna hong pia hi. Ei zong i Khristian mipihte a dingin i nuntakna i piak ngam ding ahi hi.

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suahtheih nadingin mawh maisak nadingin hun bei kuan ciangin amah khatvei a va kipia hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

1 TIMOTI MASA 2:6

Mi khempeuh a tankhia dingin tua Jesuh hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

Efesa 4:15

itna lungsim tawh thutak genin, lutang ahi Khrih tawh i kibat dongin i khangto ding hi.

1 JOHAN MASA 3:23

Ama hong thupiakna in: A Tapa Jesuh Khrih umin zui-in, Khrih’ hong sawl bangin eite khatlekhat i ki-it ding ahi hi.

1 TIMOTI MASA 4:12

Khangno lai na hihna thu hangin mite’ simmawh dingin na om kei inla, kampauna, gamtatna, itna, upna, le sianthona-ah thu um mite’ etteh dingin na om in.

1 THESALONIKA MASA 4:9

Ahi zongin thu uppih mite it ding tawh kisai-in bangmah gelh ding na kisam nawn kei uh hi. Khatlekhat na ki-it nading uh Pasian in note tungah hong hilh khinzo hi.

Efesa 4:2

Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

Galati 1:4

A siahuai tuhun sung panin eite a hong suahtaksak nadingin eite’ Pa Pasian’ deihna tawh kizui-in i mawhna hangin tua Jesuh Khrih amahmah a hong kipiatawm ahi hi.

Siampi Laibu 1:17

Amah in a khate-in balkek ding a, ahih hangin baltat lo ding hi. Tua ciangin siampipa in mei tunga om sing tung, biakna tau tungah hal ding hi. Tua pen Topa a dingin a gim namtui, mei tawh kihal biakna, meihal biakna ahi hi.

Siampi Laibu 1:13

ahih hangin a sungkuate le a khete amah in tui tawh sil ding hi. Siampipa in a vekpi-in pia-in, biakna tau tungah hal ding hi. Tua pen Topa a dingin a gim namtui, mei tawh kihal biakna, meihal biakpiakna ahi hi.

Mangmuhna 5:9

Amaute inla thak khat sa uh a, “Nang Tuuno, tua laizial a lakhia ding le a ciamtehnate a lakhia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian a dingin mite na lei khin a,

Hebru 9:23

A taktak ahi lo vantung limte pen hih bangin siansuahna kibawl hi. Ahi zongin vantung nate in hih sangin a hoihzaw biakpiakna kisam hi.

Efesa 3:19

Khrih hong itna a kicing takin theihkhit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Amos 5:21

Na biakna pawite uh mudahin ka deih kei a, na biak kikhopnate uhah ka lung a kim kei hi.

Siampi Laibu 1:9

ahih hangin a sungkuate le a khete tui tawh sil ding hi. Tua ciangin siampipa in mei tawh kihal biakna, Topa a dingin a gim namtui, meihal biakna-in biakna tau tungah a vekpi-in hal ding hi.

Efesa 5:25

Pasalte aw, Khrih in pawlpi itin a pumpi a piak mah bangin na zite uh na it un.

1 KORIN MASA 5:7

Note na siangtho theih nadingun mawhna silngo luite na paikhia un. Tua hileh silngo sawh loh annel lom thak na hi ding uh a, zong ahi takpi mah na hi uh hi. Bang hang hiam ci leh i Paisan Pawi hun hong tungta a, eite’ Paisan Tuuno ahi Khrih kigo khinzo ta hi.

ROM (Romans) 4:25

Eite’ mawhna hangin a si dingin Jesuh kipia a, Pasian tawh eite i kipawl theih nadingin kihingkiksak hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

ROM (Romans) 8:37

Eite a hong it pa’ hangin hih thu khempeuhah a gualzo pente ihi hi.

Siampi Laibu 3:16

Tua ciangin siampipa in a gim namtui dingin mei tawh kihal an tawh biakna-in biakna tau tungah hal ding hi. A thau khempeuh Topa-a’ ahi hi.

Paikhiatna 29:18

biakna tau tungah tuutal a bupin na hal ding hi. Tua pen Topa’ tungah meihal biakna hi a, a gim namtui, Topa’ tungah mei tawh kihal biakna ahi hi.

Paikhiatna 29:25

Tua ciangin amau’ khutsung panin tuate na la ding a, Topa’ mai-ah a gim namtui dingin biakna tau tungah mei tawh kihal biakna banah na hal ding hi. Tua pen Topa’ tungah mei tawh kihal biakna ahi hi.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

2 KORIN NIHNA 2:14

Ahi zongin Pasian tungah lungdam mahmah nading thu a om hi. Khrih tawh ka kipawlna hangun gualzawhna tawh Khrih a paina khempeuhah Pasian in kote hong zuisak hi. Mun khempeuhah paknamtui a kizelh bangin Khrih thu theihna a kizelsak dingin Pasian in kote hong zang hi.

Efesa 1:4

Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ihi hi.

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Hebru 8:3

Pasian tungah letsong a tuamtuamte a pia ding le ganhing tawh biakna a pia dingin siampi lianpen a sem peuhpeuhte a kiseh ahih mah bangin eite’ Siampi Lianpen pa in zong bangkhat teitei a piak ding kisam hi.

Gamlak-vakna 7:21

meihal biak nadingin bawngtalno khat, tuutal khat, kum khat a pha tuuno a pa khat;

Thu-hilhkikna 27:6

Topa na Pasian uh a dingin a kiseek lo suangtumte tawh biakna tau na bawl ding uh a, tua biakna tau tungah Topa na Pasian uh a dingin meihal biaknate na pia ding uh hi.