Efesa 4:4 - Tedim Bible

⁴ A kibang lametna khat bek a ngahkhawm dingin Pasian in note hong sap mah bangin eite khempeuh pumkhat bek hi-in Kha Siangtho zong khat bek mah a neikhawm ihi hi.

Tedim Bible Revision 2017

⁴ A kibang lametna khat bek a ngahkhawm dingin Pasian in note hong sap mah bangin eite khempeuh pum khat bek hi-in Kha Siangtho zong khat bek mah a neikhawm ihi hi.

Efesa 4:4 Referans Kwoze

Efesa 2:18

Khrih hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i paithei hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muhtheih nadingun note’ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khrih hingsakin, vantung gamah zong, ama taklamah a tutsak nadingin a zat vangliatna mah ahi hi.

1 KORIN MASA 12:20

Ahi zongin tu-a i neih bangin pumpi khat bek om a, na tampi a nei hi.

Kolose 1:5

Thu dang na zakma un, lungdamna thuman taktak na zak uh ciangin lametna na nei uh hi. Note a dingin vantungah a hong kikoihsak tua lametna hangin note in muanna le itna a nei na hi uh hi.

1 JOHAN MASA 3:3

Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

2 THESALONIKA NIHNA 2:16

I Topa Jesuh Khrih mahmah leh, eite hong itin, a hong hehpihna tawh thakhauhna le lametna a hong pia tawntung eite’ Pa Pasian in

Kolose 3:15

Note pumkhat suakin a lungdam khawm dingin Pasian in a hong sap ahih mah bangin Khrih hong piak nopsakna in note’ lungsim hong uk ta hen la, lungdamin om ta un.

Efesa 2:22

Note zong midangte tawh kigawmin ama tungah na kilam uh a, Kha Siangtho-in Pasian a ten nading inn na suak uh hi.

Efesa 2:16

Singlamteh tungah a sihna tawh Khrih in kilangneihna beisak a, tua singlamteh hangin minam nihte pawlkhat suahin Pasian kiang a tunpih hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gam sung uhah khualmi bangin nang omin khualzin zan khat bek a taam bangin hong om na hi hiam?

Titu 3:7

ama hong hehpihna hangin Pasian tawh kilemin i lamet nuntak tawntungna a ngah thei ihi hi.

1 TIMOTI MASA 1:1

Eite a hong Hon Pasian le eite’ lamet Khrih Jesuh’ thupiakna tawh Khrih Jesuh’ sawltak ahi keimah Paul in,

1 KORIN MASA 10:17

Anlum khat bek hi a, eite mi tampi hinapi-in tua lum khat bek mah nekhawm ihih manin eite pumkhat bek mah ihi hi.

2 KORIN NIHNA 11:4

Bang hang hiam cih leh kote’ hilh a hi lo adang Jesuh’ thu a hilh hong pai ciangin lungdam takin na sang pahpah uh a, kote’ hong hilh Kha Siangtho le lungdamna thu tawh a kibang lo kha thu le lungdamna thu hong hilh a om ciangin na sang pahpah uh hi.

Sawltak 15:11

Tua bangin i gamta het kei ding hi. Amaute mah bangin eite in zong i up manin Topa Jesuh hehpihna tawh hotkhiatna i ngah hi,” ci-in thu a gen hi.

Jeremiah 17:7

“Topa muangin amah a beel mi in thupha a ngah ahi hi.

ROM (Romans) 11:29

Bang hang hiam cih leh Pasian in a teel mite le thupha a piak mite tawh kisai-in a thu dokkik lo hi.

Late 122:8

Sanggamte le kikholhpihte ka khualna-in, “Jerusalem in nopna om ta hen,” ka ci ding hi.