Efesa 4:3 - Tedim Bible

³ Kha Siangtho kimakai sakin, khatlekhat kilemin pawlkhat na hihna uh na kipsak tawntung un.

Tedim Bible Revision 2017

³ Kha Siangtho kimakai sakin, khatlekhat kilemin pawl khat na hihna uh na kipsak tawntung un.

Efesa 4:3 Referans Kwoze

1 KORIN MASA 1:10

Sanggamte aw, note khatlekhat kithutuakin, pawl kikhenna omkha loin, na lungsim, na ngaihsutna uh le na ngimna uh na kikhatsak nadingun i Topa Jesuh Khrih min tawh ka hong thum hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Johan 13:34

Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.

1 THESALONIKA MASA 5:13

Amau’ nasepna hangin amaute nakpitakin itbawlin zahtak un. Note khatlekhat kilem takin na om un.

Efesa 4:4

A kibang lametna khat bek a ngahkhawm dingin Pasian in note hong sap mah bangin eite khempeuh pumkhat bek hi-in Kha Siangtho zong khat bek mah a neikhawm ihi hi.

Efesa 4:13

Tua hileh Pasian’ Tapa i theihna le i thu upna-ah kithukhatin, eite a khangcing suakin, Khrih’ cingtaakna ciang i banto ding hi.

Paikhiatna 28:32

Puan ngawng bangin a kikeek loh nadingin a ngawng kimkotah a kigan tawh a kizim, lutang thawl a vang nei ding hi.

1 KUMPI MASATE 16:21

Tua ciangin Israel mite pawl nihin kikhen uh hi. Mi pawlkhat in kumpi-in a bawl dingin Ginath’ tapa Tibni zui uh a, a pawlkhat in Omri zui uh hi.

Thuhilh-sia 4:12

Mi khat bek hileh zawhnop kisa a, nih pha leh kizo zo lo hi. Zang thum a kiheek khauhual bawhsat hak hi.

Marka 3:24

Gam khat peuhpeuh phelnih kisuahin kido le-uh tua gam kip lo ding hi.