Efesa 4:16 - Tedim Bible

¹⁶ Ama ukna mangin pumpi na a tuamtuamte a kituak takin kizom a, amaute limtakin a kizop dimdiamna hangin pumpi pen pumkhat a suak thei hi. Pumpi na a tuamtuamte in amau’ sep ding ciat hoihtakin a sep uh ciangin itna hangin pumpi khangin a cingtaak a suak thei hi.

Tedim Bible Revision 2017

¹⁶ Ama ukna mangin pumpi na a tuamtuamte a kituak takin kizom a, amaute limtakin a kizop dimdiamna hangin pumpi pen pum khat a suak thei hi. Pumpi na a tuamtuamte in amauʼ sep ding ciat hoihtakin a sep uh ciangin itna hangin pumpi khangin a cingtaak a suak thei hi.

Efesa 4:16 Referans Kwoze

Kolose 2:19

lutang ahi Khrih a len nawn lo uh ahi hi. Lutang ahi Khrih’ ukna tawh pumpi na khempeuh kizom dimdiam uh ahih manin pumpi in thahatna ngah a, Pasian’ deih bangin a khangto hi.

Johan 15:5

“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pumkhat na suahtheih nading uh ka deihna ahi hi. Tua hileh Pasian’ thusim ahi Khrih mahmah na thei ding uh hi.

Efesa 4:12

Hih nasep a tuamtuamte khempeuh a sem dingin Pasian’ mi khempeuh kigingkhol sakin Khrih a dingin na semin Khrih pumpi a khansak theihna ding deihna ahi hi.

1 KORIN MASA 13:13

Tu laitakin a omlai thu thumte pen upna, lametna, le itna hi a, tua thumte sung panin itna mah a thu lianpen ahi hi.

Efesa 4:15

itna lungsim tawh thutak genin, lutang ahi Khrih tawh i kibat dongin i khangto ding hi.

1 TIMOTI MASA 1:5

Hih bangin thupiakna pen, upna taktak le kisuanna om hetloin lungsim siangtho taktak tawh ngaihsutna panin a hong piangkhia ki-itna a khantheih nading deihna ahi hi.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

Filippi 1:9

Note a’ ding deihsakna tawh thu ka hong ngetsak thu in: Note’ lungsimah itna khang semsemin, a sia le a pha a mantakin khenthei-in a hoihpen na teeltheih nading uh ahi hi.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

Efesa 3:7

Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Efesa 1:4

Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ihi hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

1 JOHAN MASA 4:16

Tua hi a, Pasian in eite a hong itna thu, eite mahmah in thei-in i um hi. Pasian pen ki-itna hi a, itna a nei mite pen Pasian tawh omkhawm uh a, Pasian zong amaute tawh a omkhawm hi.

2 THESALONIKA NIHNA 1:3

Sanggamte aw, note’ upna nakpitakin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

1 THESALONIKA MASA 3:12

Kote in note ka hong it zahun, note khatlekhat na ki-itna uh le mi khempeuh na itna uh, hong liansak semsem tahen.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

1 KORIN MASA 8:1

Tu-in milim biakna sa tawh kisai thu panin: Amaute in, “Ka thei uh hi,” a cih mah bangin eite khempeuh in theihna i neih ciatna thu i thei hi. Tua bang theihna in mite kisatheisak a, ahi zongin itna in mite kipsak hi.

ROM (Romans) 12:4

I pumpi tungah zong na tampi i nei a, tua nate’ nasep a tuamtuam ahi hi.

1 KORIN MASA 10:17

Anlum khat bek hi a, eite mi tampi hinapi-in tua lum khat bek mah nekhawm ihih manin eite pumkhat bek mah ihi hi.