Efesa 4:12 - Tedim Bible

¹² Hih nasep a tuamtuamte khempeuh a sem dingin Pasian’ mi khempeuh kigingkhol sakin Khrih a dingin na semin Khrih pumpi a khansak theihna ding deihna ahi hi.

Tedim Bible Revision 2017

¹² Hih nasep a tuamtuamte khempeuh a sem dingin Pasianʼ mi khempeuh kiging kholsakin Khris adingin na semin Khris pumpi a khansak theih nading deihna ahi hi.

Efesa 4:12 Referans Kwoze

Efesa 4:16

Ama ukna mangin pumpi na a tuamtuamte a kituak takin kizom a, amaute limtakin a kizop dimdiamna hangin pumpi pen pumkhat a suak thei hi. Pumpi na a tuamtuamte in amau’ sep ding ciat hoihtakin a sep uh ciangin itna hangin pumpi khangin a cingtaak a suak thei hi.

1 KORIN MASA 12:27

Tu-in note khempeuh pen Khrih pumpi na hi uh a, na vekpi-un a pumpi na khat ciat na hi uh hi.

ROM (Romans) 15:14

Thu upna sungah sanggamte aw, note mihoih hi-in, bangci gamtat ding cih thei-in, khatlekhat zong a kihilhthei dingin kong muang mahmah hi.

1 KORIN MASA 14:26

Tua ahih ciangin sanggamte aw, ka hong gennop thu a tomin: Pasian bia dingin note na kikhop uh ciangin khat in la sak ding nei, khat in Pasian’ thu a gen ding nei, khat in pau lamdang tawh thugen ding nei, khat in tua a kigente a khiatna gentheih nading nei cih bangin na om ding uh hi. Hih a tuamtuamte khempeuh, pawlpi’ phattuam nading ahih ding kisam hi.

ROM (Romans) 14:19

Tua ahih ciangin mi tawh kilem theih nading le kha thu-ah khatlekhat thahatna i kipiak theih nading thute hanciam ciat ni.

1 TIMOTI MASA 1:12

Hih bangin na sepzawh nadingin thatang hatna a hong pia i Topa Khrih Jesuh tungah ka lungdam hi. Ama nasem dingin kei hong muangin hong seh ahih manin ka nuam hi.

1 KORIN MASA 14:12

Note in zong Kha Siangtho’ hong piak siamnate deih belin nei na hih manun pawlpi a dingin phattuamna taktak a piangsak ding siamnate mah nget belin na nei ta un.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Hebru 6:1

Tua ahih manin Khrih thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

2 KORIN NIHNA 6:3

Ka nasepna uhah mite in mawhna hong zon ding uh ut lo ka hih manun kuamah ka nawngkaisak khak loh nadingun ka hanciam uh hi.

2 KORIN NIHNA 5:18

Hih thu khempeuh Pasian’ vaihawm hi a, eite pen Pasian’ gal hinapi-in Khrih hangin amah tawh a kilem mi hong hisak a, kote tungah tua kilem nading nasep hong pia hi.

Luka 22:32

Ahi zongin, Simon aw, na upna na khahsuah loh nadingin nang a dingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

2 TIMOTI NIHNA 4:5

Ahi zongin nang na hih leh thu khempeuhah na lungsim ki-ukin haksatnate na thuak inla, Pasian’ thugen nasep semin, na nasepna-ah maa na tun in.

Kolose 4:17

Tua ciangin Arkhippas kiangah, “Pasian a dingin nasepna nang tungah hong kipia pen hoihtakin na zo in,” ci-in na gen un.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

Kolose 1:24

Tu-in ka pumpi-in ka thuakna tawh Khrih in ama pumpi ahi pawlpi a dingin a thuak ding a kisam laiteng a kitangcingsak suak ka hih manin note a dingin ka thuakna thu-ah ka lung a dam hi.

Efesa 1:23

Tua pawlpi pen Khrih’ pumpi hi a, tua pawlpi a dingin amahmah kipia-in, mun khempeuha om pawlpite, thu khempeuhah a cingtaaksak hi.

2 KORIN NIHNA 12:19

Note mai-ah ka mawhna uh a kiphelphel bang khatin na hong ngaihsut khak uhleh tua bang hi lo hi. Lawmte aw, ka hihna khempeuh uh note’ phattuam nading ka deihna uh tawh Khrih in kote’ gen ding a hong deih bangin Pasian’ mai-ah thu genin nasem ka hi uh hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

2 KORIN NIHNA 3:8

nuntakna a pia Kha Siangtho nasepna bangzahin minthanna lian tawh hong kizuizaw kan ding ahi hiam?

1 KORIN MASA 14:14

Bang hang hiam cih leh pau lamdang tawh thu ka nget ciangin lungsim takpi tawh thungen ka hih tei hangin bang ngen ka hi hiam cih ka ngaihsun thei kei hi.

ROM (Romans) 15:29

Note kiang ka hong tun ciangin Khrih kiang panin thupha tampi tak ka hong puak ding lamtak ka thei hi.

ROM (Romans) 15:2

Midangte a upna uh hong khangin, mihoih hong suahtheih nadingun i gamta ciat ding hi.

ROM (Romans) 12:7

Nasep nading siamna a nei ihih leh na sem ni. Hilh nading siamna a nei ihih leh hilh ni.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Sawltak 1:17

Judas pen eite tawh na a semkhawm dingin a kiteelkhia ahih manin eima pawl mi ahi hi.

2 TIMOTI NIHNA 4:11

Luka bek kei kiangah om hi. Marka in nasepna-ah nakpitakin hong huhthei ahih manin na hong pai ciangin amah hong tonpih in.

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngahtheih nadingin na-in a kimang kam hoihte bek na pau un.

Efesa 4:4

A kibang lametna khat bek a ngahkhawm dingin Pasian in note hong sap mah bangin eite khempeuh pumkhat bek hi-in Kha Siangtho zong khat bek mah a neikhawm ihi hi.

2 KORIN NIHNA 13:9

Kote’ deih bulpi pen note na cingtaak theih nading uh ahih manin note’ thahat laitakin kote ka thaneemna uh zong ka nuam veve uh hi.

1 KORIN MASA 12:7

Mi khempeuh a dingin phattuamna a omtheih nadingin Kha Siangtho’ hong ompihna a nam tuamtuamin hong kilang hi.

ROM (Romans) 12:5

Tua mah bangin eite mi tampi ihih hangin pumkhat ihi a, pumpi nate bangin khatlekhat a kizom ciat ihi hi.

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.