Efesa 4:11 - Tedim Bible

¹¹ Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

Tedim Bible Revision 2017

¹¹ Amah in mite tungah siamna a tuamtuam hong pia a, pawl khatte sawltak nasep a sem ding, pawl khatte kamsang nasep a sem ding, pawl khatte thuhilh kawikawi nasep a sem ding, pawl khatte pawlpi kem nasep a sem ding le pawl khatte laihilh nasep a sem dingin a hong seh hi.

Efesa 4:11 Referans Kwoze

Jeremiah 3:15

“‘Ka thu a hong mang makaite ka hong pia ding a, amaute in pilna le siamna tawh note hong uk ding uh hi.

Efesa 2:20

Note zong, sawltakte le kamsangte in a phuhsa innkhuam tungah a kilam na hi uh a, tua inn sutpi pen Jesuh mahmah ahi hi.

2 TIMOTI NIHNA 4:5

Ahi zongin nang na hih leh thu khempeuhah na lungsim ki-ukin haksatnate na thuak inla, Pasian’ thugen nasep semin, na nasepna-ah maa na tun in.

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Efesa 4:8

Tua ahih manin Lai Siangtho sungah, “A sangna munah a paitoh ciangin matsa salte tampi paipih a, mite tungah letsong a pia hi,” ci-in na kigelh hi.

Efesa 3:5

A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

ROM (Romans) 12:7

Nasep nading siamna a nei ihih leh na sem ni. Hilh nading siamna a nei ihih leh hilh ni.

2 KHANG TANGTHU NIHNATE 15:3

Hun saupi sung Israel mite, Pasian man tawh om lo, thu a hilh siampi tawh om lo, thukham tawh om lo uh hi.

Hebru 5:12

Tu-in note pen midang a hilh dingin sia na suahtheih ding uh hun hikhin napi-in note mahmah pen Pasian’ thu a bulpite hilh ding na kisam lai uh hi. Antak nethei nai loin nawi bek a nethei lai na hi uh hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Sawltak 21:8

A zing ciangin ding leuleu-in Sisaria khua ka tung uh a, Pasian thu a hilh Filip’ inn-ah tungin tua lai-ah ka taam uh hi. Tua pa pen Jerusalem khua-a a kiteel mi sagihte sungah a kihel ahi hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Mangmuhna 21:14

Tua khuapikulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihte’ min kigelh hi.

Juda 1:17

Ahi zongin ka itte aw, i Topa Jesuh Khrih’ sawltakte in note tungah hong gensa thute na phawk un.

1 KORIN MASA 12:4

Tu-in siamna a nam tuamtuam om a, ahi zongin a hong pia Kha Siangtho a kibang ahi hi.