Efesa 3:9 - Tedim Bible

^9-10 le Pasian in a geelsim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tuhun laitakin vantung a uk van mite in pawlpi’ hangin Pasian’ pilna a nam tuamtuamin a muhtheih nadingun na khempeuh a bawl Pasian in a beisa hunah hih thu khempeuh a imcip hi.

Tedim Bible Revision 2017

^9-10 le Pasian in a geel sim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tu hun laitakin vantung a uk van mite in pawlpiʼ hangin Pasianʼ pilna a nam tuamtuamin a muh theih nadingun na khempeuh a bawl Pasian in a beisa hunah hih thu khempeuh a imcip hi.

Efesa 3:9 Referans Kwoze

Kolose 1:26

Tua thuhilh ding pen a beisa hunah a ki-imcip thu hi a, ahi zongin tu-in Pasian’ mite tungah a kipholak ta ahi hi.

Mattiu 13:35

Hih bangin thugentehna a zatna pen kamsang Isaiah in, “Thugentehna zangin thu ka gen ding a, leitung piancil a kipan a kithei lo thute ka gen ding hi,” ci-in a genkholhsakna thu a tun nading ahi hi.

2 TIMOTI NIHNA 1:9

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a,

Kolose 3:3

Note a sikhin na hi uh a, note’ nuntakna pen Khrih tawh Pasian’ sungah a kiseelkhawm ahi hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Late 33:6

Topa’ kampauna tawh vantung piang a, a kam pana husanna tawh vantung nate a piang hi.

Mangmuhna 4:11

“Kote’ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

1 PETER MASA 1:20

Pasian in hih bang dingin leitung pianma pekin Khrih a teelsa hi a, note a hong khualna-in tuhun nunung ciangin Pasian in note kiangah amah a hong lakkhia pan ahi hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

Efesa 1:4

Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ihi hi.

1 KORIN MASA 2:7

Tua ka gen pilna thu pen mite’ theih lo dingin Pasian in a ipcip Pasian’ pilna thusim hi a, eite’ minthan nadingin leitung pianma pekin Pasian in a na koihsa thu ahi hi.

Johan 10:30

Kei le ka Pa pumkhat ka hi uh hi,” ci-in a dawng hi.

Johan 5:19

Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Johan 5:17

Ahi zongin Jesuh in amaute kiangah, “Ka Pa in tuni dongin na sem tawntung ahih manin kei zong ka sep ding mah ahi hi,” a ci hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 25:34

Tua ciangin Kumpipa in a taklamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note a dingin a kibawlkholsa gamnuam hong luah un.

Mattiu 10:27

Zan khuamial sunga kong gente, sun khuavak sungah taangko unla, a simthamin kong huau thute, innkhumdawn zangah na taangko un.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta mite’ min a kikhumna laibu sungah leitung pianma-in a kigelh nai lo, tu laitakin leitungah a om mite in tua ganhing a et uh ciangin lamdangsa ding uh hi.

Mangmuhna 14:6

Tua ciangin leitungah a teng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai-ah a leeng ka mu hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai dingzah in Pasian a zuat hun ciang dong ding bek ahi hi.

Efesa 3:2

Note’ phattuam nadingin Pasian in hong hehpihna tawh hih nasep a sem dingin a hong sawlna thu na theihsa uh ahi hi.

Efesa 6:19

Thu ka hilhtheih hun ding ciangin lungdamna thusim hangtakin ka hilhkhiat theih nadingin Pasian in ka thugen ding hong hilh nadingin kei a dingin zong thu na ngetsak ta un.

Kolose 4:3

Mite kiangah Khrih’ thusim hilhtheih nadingin Pasian in kote tungah hunpha hong piaktheih nadingin thu hong ngetsak un. Ka thongkiatna pen hih thu hang mah ahi hi.