Efesa 3:7 - Tedim Bible

⁷ Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Tedim Bible Revision 2017

⁷ Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Efesa 3:7 Referans Kwoze

Efesa 3:20

Eite a dingin na a hong sepsak, eite’ ngetzah val, le i ngaihsut zawh loh zah dongin a vangliatna tawh tampi tak a hong hihsak thei

Efesa 3:2

Note’ phattuam nadingin Pasian in hong hehpihna tawh hih nasep a sem dingin a hong sawlna thu na theihsa uh ahi hi.

2 KORIN NIHNA 3:6

Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hi loin Kha Siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zongin Kha Siangtho in nuntakna hong pia hi.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

Kolose 1:29

Hih bang a tangtun theih nadingin Khrih in kei tungah a hong piak ka thahatna khempeuh zangin, nakpitakin na semin ka hanciam hi.

1 KORIN MASA 15:10

Tua bang hitaseleh Pasian’ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpitakin ka sem zawsop hi. Tua ka sepzawhna pen keima hatna hang hi loin Pasian’ hong hehpihna hang ahi hi.

1 KORIN MASA 3:5

A taktakin ci lehang, Apollos i cihte, Paul i cihte, bangpi hi zenzen ka hi uh hiam? Note in thu na uptheih nadingun Pasian’ nasemte ka hi lel uh hi. Topa in kote’ sep dingin a hong piak nasep tuak a sem ka hi lel uh hi.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

ROM (Romans) 1:5

Minam khempeuh in ama thu umin a zuihtheih nadingun Khrih hangin sawltak nasep sep theih nading hamphatna thu Pasian in Khrih’ na sep nadingin kote a hong pia hi.

Efesa 4:16

Ama ukna mangin pumpi na a tuamtuamte a kituak takin kizom a, amaute limtakin a kizop dimdiamna hangin pumpi pen pumkhat a suak thei hi. Pumpi na a tuamtuamte in amau’ sep ding ciat hoihtakin a sep uh ciangin itna hangin pumpi khangin a cingtaak a suak thei hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

Galati 2:8

Bang hang hiam cih leh Jew mite lakah sawltak nasep a sem dingin Peter a koih mah bangin Gentail mite lakah sawltak nasep a sem dingin Pasian in kei a hong koih hi.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

Isaiah 43:13

“Kei pen Pasian ka hi a, a kipat cil a kipanin zong kei pen Amah ka hi hi. Keima khutsung panin a lakhiazo kuamah om lo hi. Keima sepnate, a kua in hong khaktanzo ding ahi hiam?” a ci hi.

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

ROM (Romans) 12:3

Pasian in kei tungah hehpihna hong piakkhongna hangin note tungah kong gennop thu in: Note tawh a kituakzah valin kilian ngaihsutzaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.