Efesa 3:5 - Tedim Bible

⁵ A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

Tedim Bible Revision 2017

⁵ A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

Efesa 3:5 Referans Kwoze

Juda 1:17

Ahi zongin ka itte aw, i Topa Jesuh Khrih’ sawltakte in note tungah hong gensa thute na phawk un.

2 PETER NIHNA 3:2

Tanglai peka kamsang siangthote’ thugen kholhte le note lakah sawltak na a semte in Topa le Honpa’ thupiakte a hong gensawn uh thute na phawkkik ding uh ka deih hi.

Efesa 2:20

Note zong, sawltakte le kamsangte in a phuhsa innkhuam tungah a kilam na hi uh a, tua inn sutpi pen Jesuh mahmah ahi hi.

Efesa 3:9

le Pasian in a geelsim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tuhun laitakin vantung a uk van mite in pawlpi’ hangin Pasian’ pilna a nam tuamtuamin a muhtheih nadingun na khempeuh a bawl Pasian in a beisa hunah hih thu khempeuh a imcip hi.

Sawltak 10:28

amaute kiangah, “Note mahmah in zong limtakin na theih ciat uh mah bangin Jew mite pen minam dangte kiangah hawhin a kikholh ding a ngeina hi lo hi. Ahi zongin mi khat peuhpeuh a nin hi, ci-in ka ngaihsut loh nadingin Pasian in kei tungah a thu hong lakkhin zo hi.

Luka 10:24

Ke’n kong cihin-ah, kamsang tampite le kumpi tampite in tu-a note’ muhte a muhnop uh hangin mu ngei lo uh a, a zaknop uh hangin za ngei lo uh hi,” ci-in a tuamin a gen hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Mattiu 13:17

Ahi taktakin note kiangah kong genin-ah: Kamsangte le Pasian’ mi tampite in note’ muhte munuam mahmah napi-in mu lo uh a, note’ zakte zanuam mahmah napi-in za lo uh hi.

ROM (Romans) 16:25

Eite khempeuh in Pasian phat ni. Keima hilh Jesuh Khrih thu ahi Lungdamna Thu le tanglai-in a ki-imcip, tu-in a kipholak thu-ah, amah pen note’ upna a hong kipsak thei pa ahi hi.

Johan 16:13

Tua ahih manin thuman hong lak ding Kha Siangtho hong tun ciangin thu khempeuh a manin hong hilh ding hi. Ama ngaihsuttawm thu hong gen ding hi lo a, ama tungah a kigen thute le a hong tung ding thute a hong gen ding ahi hi.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Luka 11:49

Tua thu hangin Pasian’ Pilna a kici laibu sungah, ‘Amaute kiangah kamsangte le sawltakte ka sawl ding a, amaute in tua mite pawlkhat bawlsia-in na that ding uh hi,’ ci-in kigelh hi.

Isaiah 52:15

Tua ahih ciangin amah in minam tampite dipkuasak ding a, ama hangin kumpite in a kam uh cih ding uh hi. Bang hang hiam cih leh amaute tungah a kigen ngei lo nate mu ding uh a, amaute in a zak ngei loh uh nate theitel ding uh hi,” a ci hi.

1 KORIN MASA 2:10

Ahi zongin Pasian in a Kha Siangtho tawh eite tungah tua thusim a hong langsak hi. Tua Kha Siangtho in na khempeuh kankhia a, Pasian’ ngimna a ki-imcip a thutawng dongtakin a kankhia hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo-ah va kuan un,’ a ci hi.