Efesa 2:9 - Tedim Bible

⁹ Note’ hanciamna tawh a ngah hi lo na hih manun na kisialh nading uh a thu om lo hi.

Tedim Bible Revision 2017

⁹ Noteʼ hanciamna tawh a ngah hi lo na hih manun na kisialh nading uh a thu om lo hi.

Efesa 2:9 Referans Kwoze

2 TIMOTI NIHNA 1:9

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a,

ROM (Romans) 11:6

A teelna ah mite’ nasepna bulphuhin a teel hi loin ama dikna hangin a teel hizaw hi. Pasian in mihingte’ nasepna bulphuhin a teel hileh Pasian’ dikna pen dikna kici thei lo ding hi.

ROM (Romans) 9:16

Tua ahih ciangin mite’ utna le sepna tawh kisai lo a, Pasian’ hehpihna bek tawh kisaizaw hi.

ROM (Romans) 3:20

Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.

ROM (Romans) 9:11

Pasian’ teelna pen a teel mite’ nasepna hang hi loin Pasian’ sapna tawh kisaizaw hi, ci-in a kilat nadingin a tate a sia a pha a gamtat theihma, a suahma pek mahin

ROM (Romans) 4:2

Abraham in a sepna hangin amah tawh a kipawl dingin Pasian in sang hileh Abraham in kisialhpih ding thu a nei ahi hi. Ahi zongin Pasian’ mai-ah Abraham a kisialh nading bangmah thu om lo hi.