Efesa 2:8 - Tedim Bible

⁸ Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawhna hangin a ngah hi loin Pasian’ hong piakkhong ahi hi.

Tedim Bible Revision 2017

⁸ Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

Efesa 2:8 Referans Kwoze

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

ROM (Romans) 4:16

Tua ahih manin Abraham’ suanlekhakte khempeuh tungah Pasian’ hehpihna piakkhong a suahtheih nadingin Thukham a zuite bek in ngah loin, Abraham’ up bangin a umte in zong a ngahtheih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuh’ pupi ahi hi.

ROM (Romans) 10:17

Tua ahih ciangin zakna panin upna hong piangthei a, Khrih thu up nading pen hilhna panin hong piangthei pan hi.

Sawltak 16:31

Amaute in, “Topa Jesuh um in. Tua hileh nang le na innkuanpihte in hotkhiatna na ngah ding uh hi,” ci-in a dawng uh hi.

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Luka 7:50

Tua ciangin Jesuh in numei kiangah, “Na upna in nang hong damsak khinta hi; lungnuam takin va ciah in,” a ci hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Johan 3:36

Tua ahih manin Tapa a um mi peuhmah nungta tawntung ding a, Tapa’ thu a mang lote in nuntak mu lo ding a, amaute tungah Pasian heh tawntung ding hi,” a ci hi.

ROM (Romans) 4:5

Ahi zongin Pasian’ maipha ngah nadingin nasepna suang loin upna a suang mipa pen Pasian in mimawh kimlai midik hi, ci-in sang ahih manin, amah tawh a kipawl theih nadingin Pasian in tua mipa’ upna thupi san hi.

Efesa 2:10

Eite a hong bawlpa pen Pasian hi a, Jesuh Khrih tawh i kipawl ciangin i nuntakna-ah gamtat hoih a nei dingin a hong bawl ihi hi. Hih pen eite’ omzia dingin a na ngaihsut kholhsa ahi hi.

Galati 3:22

Ahi zongin Jesuh Khrih a um mite tungah a upna hangun Pasian’ thuciam a kipiak theih nadingin Lai Siangtho in, “Mawhna khutnuai-ah leitung mi khempeuh a om hi,” na ci hi.

Sawltak 13:39

Tua tham loin Jesuh a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Galati 3:14

Khrih in eite a hong tatna pen, eite in i upna hangin Pasian in a hong ciam Kha Siangtho ngahin, Pasian in Abraham tungah a ciam thuphate zong, Jesuh Khrih hangin Gentail mite tungah a kipiak theih nading a deihna ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.

Johan 6:65

Tua ciangin Jesuh in, “Ka Pa in ahi thei dingin bawl kei leh ka kiangah kuamah hong pai thei lo ding hi, ka cihna thu pen hih thu hang mah ahi hi,” ci-in a genthuah lai hi.

Kolose 2:12

Note tui na kiphum uh ciangin Jesuh tawh kiphum khawmin, misite’ lak panin Khrih a thosak Pasian’ vangliatna na up manun Khrih mah tawh tuiphumna panin a thokhawm leuleu na hi uh hi.

Johan 6:44

Kei hong sawl Pa in a kaih loh mite ka kiangah hong pai thei lo ding a, ka kiangah hong pai mite nitawp ni ciangin ka hingsak ding hi.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

Filippi 1:29

Bang hang hiam cih leh Khrih’ na sep nading hunpha zong note tungah a hong kipia hi a, Khrih upna tawh ama na a sem hi bek loin, thuakna tawh zong a sem ding na hi uh hi.

ROM (Romans) 10:14

Ahi zongin a up loh pa uh tungah kua in thu ngen thei ding ahi hiam? Ama thu za ngei kei leh kua in a thu um thei ding ahi hiam? Ama thu kigen kei leh kua in za thei ding ahi hiam?

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paul’ thugente a sangthei dingin Pasian in a lungsim a honsak hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topa’ minthanna huamsung panin amaute kihawlkhia ding a, tawntung suksiatna dan a thuak ding uh hi. Ahi zongin note in ka hong gen uh thute um na hih manun tua nopna sungah na om ding uh hi.

Sawltak 15:11

Tua bangin i gamta het kei ding hi. Amaute mah bangin eite in zong i up manin Topa Jesuh hehpihna tawh hotkhiatna i ngah hi,” ci-in thu a gen hi.

ROM (Romans) 9:16

Tua ahih ciangin mite’ utna le sepna tawh kisai lo a, Pasian’ hehpihna bek tawh kisaizaw hi.

Hebru 6:4

A tawpkik khinsate a kisik kik nadingin kibawl zo lo hi. Pasian’ khuavak sungah amaute om khinin, vantung nopna ciam khinin, Kha Siangtho ngah khinin,

Mattiu 20:9

Nitak nai nga hunin a kipan nasemte ngun peek khat ciat kipia hi.