Efesa 2:7 - Tedim Bible

⁷ Khrih Jesuh tungtawnin a hong lah ama hehpihna le a hong itna bangzah takin lianin lamdang ahi hiam, ci-in a hong tung ding hunah a hong lah tawntung theih nadingin hih bangin a hong thokhawmsak ahi hi.

Tedim Bible Revision 2017

⁷ Khris Jesu tungtawnin a hong lah ama hehpihna le a hong itna bangzah takin lianin lamdang ahi hiam, ci-in a hong tung ding hunah a hong lah tawntung theih nadingin hih bangin a hong thokhawmsak ahi hi.

Efesa 2:7 Referans Kwoze

Titu 3:4

Ahi zongin eite hong Honpa ahi Pasian’ itna le a migitna thu hong kilat ciangin,

2 THESALONIKA NIHNA 1:12

Tua hileh, eite’ Pa Pasian le Topa Jesuh Khrih hong hehpihna hangin note in ama tung panin minthanna ngahin, ama min zong a thangsak na hi ding uh hi.

Efesa 2:4

Tua bang hinapi-in Pasian’ hong hehpihna le eite hong itna lian mahmah ahih manin,

Isaiah 60:15

Hong kinusia, hong kimudah, kuama hong nawk loh nang pen a tawntungin lianin, khang khat pan khang khat lungdamna ahi dingin ka hong bawl ding hi.

Efesa 3:5

A beisa hunah tua thusim pen kuama tungah kigen lo a, ahi zongin Pasian in tu-in a siangtho a sawltakte le a kamsangte tungah Kha Siangtho a hilhsak hi.

Efesa 3:21

eite’ Pasian pen, pawlpi mite khempeuh le Khrih Jesuh tawh a kipawl mi khempeuh in a khang khangin a tawntungin phat ciat ta uh hen. Amen.

Late 106:48

Topa, Israel Pasian in a tawntung a kipan a tawntung dongin thupha ngah tahen. Mi khempeuh in, “Amen,” ci ta uh hen. Topa phat un.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

Late 41:13

Israel Pasian, Topa in khang tawntungin thupha ngah tahen. Amen, Amen!

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

Efesa 1:7

Khrih hong sihna hangin eite in suahtakna ngahin, i mawhnate hong kimaisak ahi hi. Tuazah dongin Pasian’ hong hehpihna thu bangzah takin lian ahi hiam?