Efesa 2:2 - Tedim Bible

² Tuahun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukte’ thu na mang uh hi.

Tedim Bible Revision 2017

² Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

Efesa 2:2 Referans Kwoze

Efesa 6:12

Eite’ do pen leitung mite hi lo a, vantung huihlakah a om ukna, aana a neite, hih leitung khuamial a uk a tuamtuamte ahi hi.

1 JOHAN MASA 5:19

Leitung midang khempeuh Dawimangpa’ khut sungah a om ahi zongin eite pen Pasian’ mi ihihna thu i thei hi.

Efesa 2:3

A taktakin eite khempeuh zong amaute mah i bang ngei a, i pianpih lungsim zui-in nungta-in, i pumpi le i lungsim deihna bangin i gamta hi. Tua ahih manin eite khempeuh zong Pasian’ hehna hangin gim a thuak dingte ihi hi.

Johan 12:31

Tu-in leitung thukhen ding hun hong tungta a, hih leitung a ukpa kilawnkhia ding hi.

Efesa 5:6

Hih bang mawhnate i bawl hangin phamawh kei, ci-in a mawk gen mite’ khemsa-in ta kei un. Pasian thu mang loin hih bangin a gamta mite in Pasian’ hehna a thuak ding uh ahi hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Efesa 4:22

Zuauna lungsim in a suksiat khitsa, nidangin na nuntakna ngei uh ahi na pianlui uh paikhia unla,

1 KORIN MASA 6:11

Note pawlkhat, tua bangin na gamta uh hi. Ahi zongin note pen i Topa Jesuh Khrih le i Pasian’ Kha Siangtho hangin mawhna panin a hong kisiangsak khinsa, Pasian’ tungah a kipiasa, Pasian tawh a kipawlsa mite na hi uh hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

1 JOHAN MASA 5:4

Pasian’ ta ahite peuhmah in leitung nate zo uh a, i upna tawh leitung nate tungah a gualzo ihi hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

1 PETER MASA 1:14

Pasian’ thu na mang unla, na theih nai loh uh hun lai-in na gamtat ngei uh bangin na gamta nawn kei un.

Mangmuhna 20:2

Amah in tanglai gulpi, Dawimangpa ahih kei leh Satan zong a kici pa manin kum tulkhat sung a hencip hi.

1 JOHAN MASA 4:4

Ka it tate aw, note, Pasian’ mite na hi uh a, tua bang kamsang kineihkhemte a zokhin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

1 PETER MASA 4:3

A beisa hunah dawibiate’ gamtat bangin a hoihkhop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

Kolose 1:21

A beisa hunah note’ lungsim gitlohna le gamtatsiatna hangin Pasian tawh kigamla-in Pasian’ gal na hi uh hi.

Galati 1:4

A siahuai tuhun sung panin eite a hong suahtaksak nadingin eite’ Pa Pasian’ deihna tawh kizui-in i mawhna hangin tua Jesuh Khrih amahmah a hong kipiatawm ahi hi.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

1 KORIN MASA 5:10

Tua bang ka hong cih ciangin numei tawh a paktat, a huaiham, a guta, milim a bia lawkite tawh na kikhawl kei un, ka cihnopna hi lo hi. Tuate tawh kikhawl lo ding ci lehang, leitung panin paikhia un, cihna suak ding hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teelkhia a, amaute tawh kipawl nawn lo na hih manun a hong mudah ahi uh hi.

Johan 14:30

Tu-in hih leitung a ukpa hong tungta ahih manin note kiangah thu kong gen man nawn kei ding hi. Amah in keima tungah aana nei lo hi.

Isaiah 30:1

Topa in, “Kei’ ngimna hilopi-in thu vaihawmna a semkhia, kei’ lungsim lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a bel ding le Egypt’ liahna a zong dingin Egypt gamah paisuk dingin a kuankhia, a lehdo mite in gimna ngah tahen.

JOB (Job) 1:7

Topa in Satan kiangah, “Koi pana hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin ka hong pai hi,” a ci hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasian’ samsiat mite ahi uh hi.

Johan 16:11

hih leitung a ukpa pen thukhenna a thuakkhin ahihna thu zong lak ding hi.

Johan 13:27

Judas in tua an a nek khit phetin ama sungah Satan hong lutpah hi. Tua ahih manin Jesuh in ama kiangah, “Na hih ding peuhpeuh hihpak in,” a ci hi.

Johan 13:2

Jesuh le a nungzuite nitak an ne-in a tukhawm uh hi. Tua hun laitakin dawimangpa in Simon Iskariot’ tapa Judas’ lungsim sungah Jesuh lehhek nading ngaihsutna koih khinzo hi.

Johan 8:23

Tua ciangin Jesuh in amaute kiangah, “Note pen nuailam mi na hi uh a, kei pen tunglam mi ka hi hi. Note pen hih leitung mi na hi uh a, kei pen hih leitung mi ka hi kei hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Mattiu 13:38

Lolai pen leitung hi a, taangci hoih i cih pen Pasian’ ukna sungah a om mite ahi uh hi. Tahumte pen Gilopa tawh a kipawl mite hi a,

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.

Jeim 1:7

Tua bang mite, lungsim kip a nei lo, a kineihkhem hi lel uh a, Topa kiang panin bangmah a ngah hetloh ding lamtak uh a theih ding uh ahi hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Sawltak 19:35

A tawpna ciangin khuasung lai-at pa in mihonte a gamdaih nadingin khozo a, “Efesa khuapi mite aw, Efesa khuapi pen, a lian mahmah Artemis biakna innpi le van panin a hong kia biakna suang a kem khuapi ahihna thu mi khempeuh in a theihsa ahi hi.

Luka 22:31

Tua ciangin Jesuh in, “Simon, Simon aw, lokho pa in buhhum a haih bangin note khempeuh hong ze-et nadingin Satan in thu a ngah khitna thu phawk in.

Luka 16:8

A diktat lo nasempa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uhah ngiansiam zaw uh hi.

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholhpih nop loh mite tawh a kikhawlpa,’ ci leuleu uh hi. Ahi zongin Pasian’ pilna a man taktakna thu a gah panin hong kilang hi,” a ci hi.

Jeremiah 23:10

Bang hang hiam cih leh mun khempeuhah angkawmte a dim hi. Topa’ hamsiatna hangin gam sung tengah kahna dim a, gamlak lonona munte a keu mang hi. Amaute gamtatsia uh a, a vangliatna uh a man lopi-in a zang uh hi.

Isaiah 57:4

Note in kua mawlpih gawpgawp na hi uh hiam? Kua’ tungah na kam uh ka beba-in na leii uh phen na hi uh hiam? Tawsaw kung lak singkung hing khempeuh nuai-ah pasian biakna-in nulepa mawhna a bawl, kuamsung, suanghawm sungah na tate uh a that note pen khialhna tate, zuauna’ tuletate hi lo na hi uh hiam?

JOB (Job) 31:7

Lampi man panin ka pial a, siatna lam ka zuih a, ka khut tungah mawhna a baan taak leh

Mangmuhna 16:17

A sagihna vantungmi in huihlakah a hai hong bung a, biakinn sung tokhom panin nakpitakin aw khat hong gingin, “Man khinta hi,” a ci hi.

Mangmuhna 13:14

Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Hosea 10:9

Gibeah khua-ah a khialh uh a kipanin kei tungah hong khialhna uh Israel mite tawp nai lo hi. Tua ahih manin Gibeah khua-ah gal in amaute pha ding hi.

JOB (Job) 1:19

Tua laitakin sehnel gam panin huihpi pingpei hong nungin a inn mutpai-in na tate denglum hi. Nang kiangah hih thu a hong ko thei dingin kei bek kong suakta hi,” a ci hi.

JOB (Job) 1:16

Amah in a thugen a khit ma-in kamtai dang khat hong tungin, “Vantung panin keek hong kia a, tuute le tuucingte kha-in kangtum uh hi. Hih thu nang kiangah a hong ko thei dingin kei bek kong suakta hi,” a ci hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Marka 4:19

hih leitung lunghihmawhna, hauhnopna, le deihna dang a tuamtuamte in a thu khuhcip ahih manin bangmah suakkhia zo lo hi.

Efesa 1:21

Vantungah ukna, aana, vangliatna a neite khempeuh tungah Khrih in ukna aana nei lai a, hih leitung bekah hi loin a hong tung ding leitungah zong amah a lianpen ahi hi.

Efesa 2:11

Amau mahmah in amau pumpi tungah a hihna uh tawh vun a ki-at mite ka hi uh a ci Jew mite in, vun a ki-at lo mite a hong cih uh, na pian’ na patun Gentail mi ahi note in nidanga na omzia uh phawkkik dih un.

Efesa 2:13

Ahi zongin a gamlapi-ah a om ngei hinapi-in tu-in Khrih Jesuh tawh na kipawlna hangun ama sihna in Pasian kiang hong tunpih hi.

Efesa 4:17

Tu-in Topa’ min tawh limtakin note kiangah ka hong gennop thu in: Thu um lo dawibiate bangin gamta nawn kei un. Amaute’ thu ngaihsutte a kimang bangmah om lo a,

Efesa 5:8

Note pen khuamial sungah a omngei hinapi-in, Topa’ mi na suahkhit uh ciangin khuavak sungah a om hita na hih uh manin khuavak sungah a om mite bangin na gamta un.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

Siampi Laibu 11:16

vasa-kalaoh, pengpelep, vatawt, musi nam khempeuh,