Efesa 1:9 - Tedim Bible

⁹ Pasian in a pilna le a thumuhnate zangin ama geelsa bangin hong sem a, Khrih zangin a sepnop thusimteng eite tungah hong kilangsak hi.

Tedim Bible Revision 2017

⁹ Pasian in a pilna le a thumuhnate zangin ama geel sa bangin hong sem a, Khris zangin a sepnop thusim teng eite tungah hong kilangsak hi.

Efesa 1:9 Referans Kwoze

2 TIMOTI NIHNA 1:9

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a,

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.

Efesa 3:11

Pasian in a tawntungin a ngimna a omsa bangin i Topa Khrih Jesuh nasepna tawh a ngimna a hong tungsak hi.

Galati 1:12

Mi khatpeuh tung panin ka ngah hi lo a, mi khatpeuh in hong hilh zong hi lo hi. Jesuh Khrih in kei tungah a hong lahna hang bekin hih thu a thei ka hi hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

Sawltak 13:48

Gentail mite in hih thu a zak uh ciangin lungdam mahmah uh a, Pasian’ thu hoih mahmah hi, ci-in a phat uh hi. Nuntak tawntungna a ngah dingin Pasian in a teelsa mite in Pasian’ thu hong um uh hi.

Mattiu 13:11

Jesuh in, “Vantung ki-ukna tawh kisai thusim note tungah hong kihilh a, ahi zongin amaute tungah kihilh lo hi.

Sawltak 4:28

Nangmah in na deihna bangin a piang dingin na vangliatna tawh na khensatsa thu khempeuh a sem dingin amaute kikhawm uh hi.

Sawltak 2:23

Pasian in thu a ma theihkholhna le ama geelna tawh kizui-in note’ khut sungah tua Jesuh a hong piak ding a ngaihsutsa hi a, note in singlamteh tungah khai-in migilote’ khut tawh amah na that uh hi.

Jeremiah 2:29

Kei na hong mawhsakna uh bang thu teng tawh ahi hiam? Na vekpi-un kei nong langpan’ khin uh hi, Topa in kong ci hi.

Late 33:11

Topa’ thungaihsutna kip ngitnget a, ama lungsim ngaihsutna khang tawntungin a kip hi.

Luka 2:14

“Van a sang belna-ah a om Pasian’ min thang hen la, ama pahtak leitung mite tungah nopna om ta hen,” a ci uh hi.

Luka 12:32

Tua ciangin Jesuh in, “Tuuhon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong sehsa ahi hi.

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai dingzah in Pasian a zuat hun ciang dong ding bek ahi hi.

1 KORIN MASA 1:21

Pasian in ama pilna hong zang a, mihingte in amau’ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a piazaw hi.

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,