Efesa 1:16 - Tedim Bible

¹⁶ tawlnga loin note’ tangin Pasian’ tungah lungdamna ka na pulak tawntung hi. Ka thungetna-ah zong note ka hong phawk tawntung a,

Tedim Bible Revision 2017

¹⁶ tawlnga loin noteʼ tangin Pasianʼ tungah lungdamna ka na pulak tawntung hi. Ka thungetna ah zong note ka hong phawk tawntung a,

Efesa 1:16 Referans Kwoze

Kolose 1:9

Tua bangin note’ thu ka zak uh hun a kipanin Pasian kiangah thu ka hong ngetsak uh a, kha thu tawh kisai pilna le theihtelnate nei-in, Pasian’ deihna na theihtheih nadingun ka hong ngetsak uh hi.

Kolose 1:3

Note in Khrih Jesuh na muanna uh le Pasian’ mite khempeuh na itna thu uh za ka hih manun note a’ ding thu ka hong ngetsak uh ciangin i Topa Jesuh Khrih’ Pa Pasian tungah lungdamna ka ko tawntung uh hi.

2 THESALONIKA NIHNA 1:3

Sanggamte aw, note’ upna nakpitakin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

1 THESALONIKA MASA 1:2

Note khempeuh hangin Pasian tungah lungdamna ko tawntungin, ka thungetna uhah note ka hong phawk tawntung uh hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

1 THESALONIKA MASA 5:17

thu ngen niloh unla,

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung mite’ phat dingin a bawlkik matengin amaute khawl lo ding uh hi.

1 SAMUEL MASA 7:8

Tua ciangin Israel mite in Samuel kiangah, “Filistia-te’ khutsung panin amah in eite hong hotkhiat theih nadingin Topa i Pasian’ tungah eite a dingin thunget na khawl kei in,” a ci uh hi.

Piancilna 40:14

Ahih hangin kei hong phawk in. Nang tungah thu hong hoih ciangin kei tungah hehpihna hong bawl in, kong thum hi. Faro’ tungah kei’ thu genin, hih inn panin kei hong lakhia in.