Efesa 1:13 - Tedim Bible

¹³ Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

Tedim Bible Revision 2017

¹³ Note in zong hotkhiatna a hong ngahsak thei Lungdamna Thu a man za-in Khris na up uh ciangin, Pasian in a hong ciam sa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

Efesa 1:13 Referans Kwoze

2 KORIN NIHNA 1:22

Amah in eite pen ama a’ ihihna ciaptehna eite tungah hong bawl a, ama a’ ihihna le eite tungah a hong piak ding na khempeuh a hong pia takpi ding ahihna a kitel nadingin eite’ lungsim sungah Kha Siangtho a hong mapiak hi.

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasian’ neihsa na hihna uh hong ciamtehna-in Kha Siangtho hong pia ahih manin, tua Pasian’ Kha Siangtho na dahsak kei un.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

ROM (Romans) 4:11

Abraham a vun a ki-at ma-in a upna hangin Pasian in mihoihin a sanna lahtel nadingin a vun a kinung-at ahi hi. Tua ahih manin vun a ki-at loh hangin a upna uh hangin mihoihin a kisang mite khempeuh a dingin Abraham pen kha thu lamah pupi ahi hi.

Titu 2:11

Bang hang hiam cih leh mi khempeuh in hotkhiatna a ngahtheih nadingun Pasian in ama hehpihna hong lak khinzo hi.

Galati 3:14

Khrih in eite a hong tatna pen, eite in i upna hangin Pasian in a hong ciam Kha Siangtho ngahin, Pasian in Abraham tungah a ciam thuphate zong, Jesuh Khrih hangin Gentail mite tungah a kipiak theih nading a deihna ahi hi.

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Luka 24:49

Ka Pa’ hong ciamsa thu, note tungah ka hong pia ding hi. Ahi zongin vantung panin tua vangliatna na ngah mateng uh hih Jerusalem khuapi-ah na ngak un,” a ci hi.

Late 119:43

Nangmah biakna ngeina kipte lamenin om ka hih manin a man thu hong gen theisak tawntung in.

1 PETER MASA 2:10

Nidangin Pasian’ mi na hihloh uh hangin tu-in ama mi na hi uh a, nidangin Pasian’ hehpihna na theih loh uh hangin tu-in ama hehpihna na ngah uh hi.

ROM (Romans) 6:17

Nidangin silate bangin mawhna’ thu a mang hinapi-in, tu-in note tungah a hong kipia thuhilhna kipte, na lungsim khempeuh uh tawh zui na hih manun Pasian tungah i lungdam mahmah hi.

Sawltak 1:4

Amaute tawh a omkhawm laitakin amah in amaute kiangah, “Jerusalem khua panin paikhia kei unla, note kiangah ka hong gensa ka Pa’ hong kamciam thu na ngak un.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Luka 11:13

Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Mangmuhna 7:2

Tua ciangin a nungta Pasian’ ciaptehna a tawi vantungmi khat, nisuahna lam panin hong paito ka mu hi. Leitung le tuipi suksiat theih nading vangliatna a kipia vantungmi lite kiangah amah in nakpitakin gen a,

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

2 TIMOTI NIHNA 3:15

Khrih Jesuh upna hangin hotkhiatna a hong ngahsak thei ding pilna a hong pia Lai Siangtho pen na neutung a kipanin a theisa na hihna thu zong na theihsa thu mah ahi hi.

2 TIMOTI NIHNA 2:15

Pasian’ thuman a mantakin hilhin, na nasepna-ah maizumna thuak loin, Pasian’ pahtakna na ngahtheih nadingin na siam tawpin hanciam in.

Efesa 4:21

Note in Khrih thu na zaksa uh hi a, ama nungzui na hih manun Jesuh’ thutakna na theihsa uh ahi hi.

2 KORIN NIHNA 6:7

thuman genna, le Pasian’ nasemte ka hihna uh, Pasian’ vang tawh ka kilangsak uh hi. Kote in kihut nading le galsim nadingin hiamin thuman ka zang uh hi.

Johan 3:33

Ama thugen a umte pen, Pasian’ thugen man hi, ci-in a um ahi uh hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.