Daniel 9:26 - Tedim Bible

²⁶ Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkapmang lianpa in khuapi le biakinnpi a susia ding hi. A beina pen tuiciin tun bang hi ding a, a tawp dongin galdona le kisiatna vive ahi dingin Pasian in thu a khenzo hi.

Tedim Bible Revision 2017

²⁶ Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Daniel 9:26 Referans Kwoze

Nahum 1:8

Tuikhang in a suksiat bangin a langte susiagawp a, a galte khempeuh khuamial sungah a nawtkhia hi.

Isaiah 53:8

Nenniamna le thukhenna tawh amah kipaikhiatpih hi. A hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Marka 13:2

Jesuh in, “Hih innte liansa-in thupi na sa mahmah hi. Ahi zongin hih innte lamna-a a kiciang suangte nih bek nangawn a kithuapna a om lo zah dongin a kiphelkek gawp hun hong tung ding hi,” ci-in a dawng hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Luka 24:26

Khrih in minthanna a ngah nadingin hih bangteng a thuak ding kisam hi lo ahi hiam?” a ci hi.

Marka 9:12

Jesuh in, “Na khempeuh a bawlkhol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Mattiu 24:2

Ahi zongin Jesuh in amaute kiangah, “Hihte khempeuh na mu khinta uh hi. Ke’n a mantak a kong genin-ah: Hih inn lamna-a a kiciang suangte a kithuapin a om nangawn a om nawn lo zah dongin kilawnkeek mang ding hi,” ci-in a dawng hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

Daniel 11:10

“Syria kumpipa’ tate, galsim dingin kithawi-in galkap ding mi tampi a kaikhawm ding uh hi. Tua galkapmangte khat thahat diakin tuikhang bang ding a, galte’ kulhpi a luhzo ding hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gangawh biakna le biakpiakna, hih hunlang sung a khawlsak ding hi. Biakinn dawn sangpen munah a Lipkhaphuai na kikoih ding hi; ahi zongin Pasian in tua a koihpa’ thuak dingin a geelsa thu a koihpa in a thuak hun ciang dong, a Lipkhaphuai na pen a koihna mun mahah omlai phot ding hi,” hong ci hi.

Isaiah 8:7

Tua ahih ciangin Topa in Assiria kumpipa le ama galkap honpite, a tam mahmah a piau dimletin a khang Gunpi tui bangin amaute a sim dingin hong luangsak ding hi.

1 PETER MASA 2:21

Khrih mahmah in zong note a dingin thuakin, ama khekhap na zuihtheih nadingun etteh ding lim hong nusiat ahih manin hih bangin a thuak ding mahin Pasian in note a hong sam ahi hi.

Johan 14:30

Tu-in hih leitung a ukpa hong tungta ahih manin note kiangah thu kong gen man nawn kei ding hi. Amah in keima tungah aana nei lo hi.

Luka 24:46

amaute kiangah, “Khrih in sihna thuakin, a ni thum ni-in sihna panin hingkik ding a,

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Marka 13:7

A gamla a galkidona thute le a nai-a galkidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a haltumsak hi.

Mattiu 22:2

“Vantung ki-ukna zia pen a tapa a dingin mo pawi a bawl kumpipa’ gamtatzia tawh kibang hi.

Amos 9:5

Vanglian Topa Pasian in leitung a lawn’ ciangin tuisuak a, leitung a om mi khempeuh a kap uh hi. Nail Gunpi bangin leitung buppi khangto-in kiamsuk ding hi.

Amos 8:8

Tua ahih manin zin hong ling ding a, leitung a om mi khempeuh a kap ding uh hi. Nail Gunpi bangin leitung khempeuh khangto-in kiamsuk ding hi.

Hosea 1:9

Tua ciangin Topa in, “Na tapa’ min dingin ka mi hi lo a cihnopna Loammi phuak in; bang hang hiam cih leh no Israel mite, ka mi na hi nawn kei uh a, kei zong note’ Pasian ka hi kei hi,” a ci hi.

Jeremiah 46:7

Nail gunpi bangin a hong khang, guntui khang a bang kua ahi hiam?

Late 22:15

Ka thahatna, leibeel phel bangin keu a, ka leii zong toncip ta hi. Nangmah in leivui sungah kei na hong koih hi.

Luka 21:6

“Tu-a na muh uh hih nate khempeuh a siatgawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphelkekmang ding hi,” a ci hi.

Mattiu 23:38

Tu-in na innte kisusiacip ding hi.

Daniel 11:17

“Syria kumpipa in a galkap neih khempeuh zangin galsim ding a ngaihsun ding hi. Olno takin a gualzawh theih nadingin a tanu le a galte tensak ding a ngaihsun ding hi. Ahih hangin a tangtungzo kei veve ding hi.

Jeremiah 51:42

Babylon gamah tuipi hong kahto a, tuihual lauhuaite in a tum ta hi.

Daniel 11:22

Ama thu a nial galkap honpite le Pasian’ siampi liante khempeuh a mangthangsak ding hi.

2 SAMUEL NIHNA 21:5

Amaute in kumpipa kiangah, “Israel gam sungah kote in mun ka neih loh nadingun kote hong netumin suksiat ding Saul in vaihawm hi.

Isaiah 28:2

En un, a vang a lian, a hat mahmah mi khat Topa in nei hi. A susia huihpi gialpi, tuikhang le a thahat huihpi bangin amah in leilak dengawpna ding hi.

Isaiah 28:22

Tua ahih ciangin tu-in, note hong kikhihna a to mahmahin kibawl kha ding ahih manin thusim loin om kei un. Bang hang hiam cih leh mihonpite’ Topa Pasian’ tung panin gambuppi-ah siatna ding thukhenna ka za khin hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lianzaw a, a Lianpen Pasian sangin zong ka thupizaw lai hi, ci-in a kisathei ding hi. Pasian in amah gim a piak mateng tua bangin a om ding hi.