Daniel 9:25 - Tedim Bible

²⁵ Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik ding a, kum sawmguk le nih mun sagih sung kip ding a, ahih hangin buai hun sung ahi ding hi.

Tedim Bible Revision 2017

²⁵ Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Daniel 9:25 Referans Kwoze

Ezra 4:24

Tua hun a kipanin Jerusalem-a om Pasian’ biakinn a kisepna a khawl hi. Persia kumpi Darias’ uk a kum nihna dong tua bangin a khawlcip phot hi.

Johan 4:25

Tua ciangin numei in, “Khrih a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Daniel 9:23

Pasian tungah thum dingin na kisak laitakin amah in a hong zazo hi. Pasian in nang hong it ahih manin, tua thu a gen dingin ka hong pai hi. Tu-in, tua maangmuhna thu ka hong hilhtel laitakin ciamteh in.

Daniel 8:25

A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Nehemiah 6:15

Elul kha ni sawmnih le nga ni-in kulh kizo a, ni sawmnga le nih sung hun bei hi.

Nehemiah 4:8

Tua hi a, Jerusalem hong simin buaina a piangsak dingin amaute kipawlin vaihawmna khat nei uh hi.

Nehemiah 3:1

Tua ciangin siampi lianpen pa Eliashib le a siampipihte in nasep kipanin Tuu Kongpi a bawl uh hi. Amaute in a khuamte le a zawlte bawlin a kongkhakte bulh uh hi. Amaute in Za Khat Tausang ciang banah Hananel Tausang dong sem uh a, tua ciangin Pasian’ tungah ap uh hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Marka 13:14

“Ama om loh nading pi-ah a lipkhaphuai zehphitna a hong om na muh uh ciangin (hih lai a simte in Jesuh’ cihnopna thei ta un!) Judea gam a om mite mualtungah tai un.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Late 71:10

Bang hang hiam cih leh ka galte kihoho-in, keimah hong thahnopna thu kikumkum uh hi.

Ezra 7:8

Kumpipa’ uk kum sagih a cin kum, a kha ngana sungin Jerusalem tung uh hi.

Ezra 7:1

Hih thu teng khit ciangin Persia kumpi Artakzaksis uk hun sungin Ezra, a pa Seraiah, a pa Azariah, a pa Hikiah,

2 SAMUEL NIHNA 15:25

Tua ciangin kumpipa in Zadok kiangah, “Pasian’ Thuciamna Singkuang khuapi sungah puakik in. Topa’ maipha ka muh nakleh, amah in kei hong paipih kikin Thuciamna Singkuang le a omna mun hong musakkik ding hi.

Efesa 5:16

Tuhun pen hun hoih lo hun ahih manin na hun neih khempeuh uh a hoih lamin zang un.

Sawltak 8:30

Filip zong ama kiangah va tai a, kamsang Isaiah laibu a simna za ahih manin, “Na laisim a khiatna na thei hiam?” ci-in a dong hi.

Mattiu 13:23

Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

Nehemiah 4:2

Amah in a kikholhpihte le Samaria galkapte’ kiangah, “Hih Jew mi niangnuangte in bang hih ding a kipan ahi uh hiam? Hih mun a bawlpha dinga kingaihsun ahi uh hiam? Biakpiakna hangin a nasep uh ni khat sungin zo dingin kilamen ahi uh hiam? Amaute in a kangtumsa ninbulomtang panin suangtum bawlkik thei ding ahi uh hiam?” ci hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makai pa a hong sim uh ahi hi.