Daniel 9:15 - Tedim Bible

¹⁵ “Kote’ Topa Pasian aw, na mihingte Egypt gam panin na hong lakhia a, na vangliatna tu dongin kiphawk lai hi. Ka mawh khin uh a, ka khial khin uh hi.

Tedim Bible Revision 2017

¹⁵ “Koteʼ Topa Pasian aw, na mihingte Egypt gam panin na hong la khia a, na vangliatna tu dongin kiphawk lai hi. Ka mawh khin uh a, ka khial khin uh hi.

Daniel 9:15 Referans Kwoze

Nehemiah 9:10

amaute in ka pu ka pate uh kihihsakna tawh a hih gawpna thei na hih manin Faro le a nasemte le a gammi khempeuh langpangin lim le na lamdang na bawl hi. Tua hi a, tuni dongin a kip minphatna khat nangma a’ dingin na ngah hi.

Daniel 9:5

“Kote ka hih uhleh ka gilo uh a, mawh khinin ka khial khin uh hi. Na hong sawlna bang ka mang kei uh a, na thupiakna le na thukhamte ka taisan khin uh hi.

Nehemiah 1:10

Topa aw, amaute pen na vangliatna le a thahat na khut tawh na hotkhiatsa na nasemte le nangma mite ahi uh hi.

Paikhiatna 32:11

Ahih hangin Moses in Topa ama Pasian tungah thum a, “Topa aw, na vangliatna le na thahatna tawh Egypt leitang panin na paikhiatpih ahi nangma mite tungah bang hangin sinso ding na hi hiam?

Paikhiatna 14:18

Faro le ama leengte le ama sakol tung tuangte ka zawhna hangin minthanna ka ngah khit ciangin Topa ka hihna thu Egypt mite in hong thei ding uh hi,” a ci hi.

Paikhiatna 6:1

Ahih hangin Topa in Moses kiangah, “Tu-in Faro’ tungah ka bawl ding na mu ding hi. Bang hang hiam cih leh amah in ut lopipi-in amaute sawlkhia ding hi. Amah in ut lopipi-in ama leitang panin amaute hawlkhia taktak ding hi,” a ci hi.

2 KORIN NIHNA 1:10

Tua zahin a lauhuai sih nading panin hong honkhia khinzo a, zong hong honkhia lai ding hi. Mailam hunah zong hong honkhia kikkik ding hi, ci-in amah ka muang uh hi.

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Luka 15:21

A tapa in, ‘Pa aw, Pasian tung le nangma tungah ka khialkhin hi. Na tapa cih dingin zong ka kilawm nawn kei hi,’ a ci hi.

Jeremiah 32:10

Thukimna lai bawlin, min gelhin, gip khenin, a hong theihpih ding mite zong ka sap khit ciangin tawi khaina-ah sum ka teh hi.

Isaiah 55:13

Ling tangin tak kung hong po ding a, lingkung tangin mui kung hong po ding hi. Tua pen Topa’ nasepna phawk tawntungna, a kilakhia ngei lo ding, a tawntungin a om lim khat hi ding hi, a ci hi.

Late 106:8

Ahi zongin amah in a lian mahmah a vangliatna a kitheihsak nadingin ama min a ngaihsutna-in amaute a honkhia hi.

1 KUMPI MASATE 8:51

(Bang hang hiam cih leh amaute pen Egypt panin na paikhiatpih, sik meiphual sung panin na paikhiatpih nangma mi le nangma luah ahi uh hi.)

Paikhiatna 9:16

Ahi zongin leitung khempeuhah keima min a kipulak theih nadingin note tungah ka vangliatna lah ding deihna-in kong nungtasak lai hi.

Paikhiatna 6:6

Tua ahih ciangin Israel mite’ tungah, ‘Kei pen Topa ka hi hi. Egypt mite’ na na sepna uh panin note kong paikhiatpih ding hi. Amau’ sal hihna panin note kong khahkhia ding a, a thahat ka khut zanin thukhenna nasep lian tawh note kong honkhia ding hi.

Thu-hilhkikna 5:15

Egypt-ah nasem na hihna uh le tua lai panin Topa na Pasian un a vangliatna khut le a thahatna tawh hong paikhiatpihna na phawk ding uh hi. Tua ahih ciangin Sabbath ni na tan’ ding uh Topa note’ Pasian in thu hong pia hi.

Paikhiatna 13:3

Moses in mite tungah, “Salsuahna Egypt gam panin na paikhiat uh hih ni phawk un. Bang hang hiam cih leh Topa in vangliatna tawh hih mun panin note hong paikhiatpih hi. Silngo sawh anlum kine lo ding hi.

Paikhiatna 13:9

Na kam un Topa’ Thukham a gen tawntung theih nadingin hih pen na khut tung uhah lim, na taltang tung uhah phawkna khat hi ding hi. Bang hang hiam cih leh Topa in a vangliatna tawh hih mun panin note hong paikhiatpih hi.

Paikhiatna 13:14

Hong pai ding hunah na tapa in, ‘Hih pen bang a cihnopna ahi hiam?’ ci-in nang hong dot ciangin, nangmah in ama kiangah, ‘Salsuahna, Egypt panin Topa in vangliatna tawh kote hong paikhiatpih hi.

Paikhiatna 13:16

Tua pen na khut tunga om ciaptehna lim ahih kei leh na mitte’ kikal-a talsuante bang hi ding hi. Bang hang hiam cih leh Topa in a vangliatna tawh Egypt panin eite hong paikhiatpih hi,” a ci hi.

2 KUMPI NIHNATE 21:15

bang hang hiam cih leh a pu a pate uh Egypt panin hong paikhiat a kipan tuni dongin keima muhna-ah a sia gamta-in kei hong hehsak uh hi,” a ci hi.

2 KHANG TANGTHU NIHNATE 6:37

ahi zongin galmatin a kipuakna gamah amaute in a lungsim sung uhah tua thu ngaihsunin kisikkik a, ‘Kote khialin lampialin ka gitloh tat uh hi,’ ci-in amaute galmatin a omna uh gam panin nang tungah hong thum a,

Nehemiah 1:6

Israel mi ahi na nasemte’ tangin sun le zanin kong thunget nilohna a ngai dingin na bil hong ngat inla, na mit hong hak in. Nangma tungah ko Israel mite ka khialhna uh, keimah le ka pu ka pate zong ka khialhna uh ahi ka mawhnate uh kong pulak uh hi.

Isaiah 64:4

Amah a ngakte a dingin na a sempa’ thu tanglai pek panin kuamah in thei ngei lo, kuama bil in za ngei lo a, kuama mit in nang simloh Pasian dang mu ngei lo uh hi.

Jeremiah 14:20

Topa aw, ka gitlohna uh le ka pute ka pate uh gitlohnate ka hong pulak uh hi. Bang hang hiam cih leh nangma tungah ka hong mawh khin uh hi.

Kah la 3:42

“Topa aw, nang tungah kong khial uh a, hong lehdokha ka hih manun ka mawhna uh na hong maisak nai kei hi.

Ezekiel 5:6

Ahi zongin Jerusalem in ka thupiakna lehdo-in, minam dangte sangin a gilo zaw hong suak a, a kiima om gamdangte sangin a thumang lo zaw hong suak hi. Jerusalem in ka thupiakte nialin, ka thukhamte zui nuam lo hi.