Daniel 9:14 - Tedim Bible

¹⁴ Topa Pasian aw, nangmah in kote gim a pia dingin nong kithawi a, na hong pia takpi hi. Bang hang hiam cih leh na hihna khempeuh a thuman hi a, kote in na thu ka hong mang kei uh hi.

Tedim Bible Revision 2017

¹⁴ Topa Pasian aw, nangmah in kote gim a pia dingin nong kithawi a, na hong pia takpi hi. Bang hang hiam cih leh na hihna khempeuh a thuman hi a, kote in na thu ka hong mang kei uh hi.

Daniel 9:14 Referans Kwoze

Daniel 9:7

Topa, nang na hih leh na siangtho a, ahih hangin kote ka hih uhleh a zumhuai-in ka gamta uh hi. Judah gam le Jerusalem khuasunga teng Israel mite khempeuh thuman lo uh ahih manin, a nai a gamla gam tuamtuamah na thehthangzo hi.

Nehemiah 9:33

Kote tungah hong tungsa thu khempeuhah nang a thutang na hi a, nang citakin a om na hi a, kote a khial gamtatkha ka hi uh hi.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Late 51:14

Kei a hong hon Pasian aw, sih nading panin kei hong honkhia in. Nong hotkhiatna thu lungdam takin ka sa ding hi.

Jeremiah 31:28

Amaute a kibetkhiatna ding le a kitapzanna ding ahi zongin, a kisuankhiatna ding le a kisiatna ding ahi zongin ka vaihawm mah bangin, Topa in ka cihin-ah, amaute a kilamna ding le a kiphuh nadingin ka vaihawm ding hi.

2 KHANG TANGTHU NIHNATE 12:6

Tua ciangin Judah uliante le kumpipa kiniamkhiatin, “Topa thuman hi,” a ci uh hi.

Late 116:5

Topa dikin thuman a, i Pasian in hehpihna nei hi.

Late 119:137

Topa aw, nang na thuman a, na thukhennate zong thuman mahmah hi.

Paikhiatna 9:27

Tua ciangin Faro in mi sawlin Moses le Aaron samsakin amaute kiangah, “Tutungin ka khial hi. Topa man hi. Kei le ka mite ka khial uh hi.

Ezra 9:15

Israel Pasian, Topa aw, nang na thutang a, ahi zongin tuni-a a omlai ko teng nong suaktasak veve hi. Na muhna-ah kote a mawhpi mah hita le-ung hong hehpih in; bang hang hiam cih leh mawhna tawh nangma mai-ah kuamah om thei lo hi,” ci-in thu ka ngen hi.

Late 111:7

Ama nasepnate khempeuhah amah thumanin citak a, a thupiaknate muantaak mahmah hi.

Jeremiah 4:17

Judah gam in kei hong langpan’ ahih manin lohongte bangin a galte in a kimkotah a pang dimdiam uh hi, Topa in kong ci hi.

Jeremiah 12:1

Topa aw, nang tawh thu i kisel ciangin nang a tawntungin na man den hi. Ahih hangin thu khat ka hong dongnuam lai hi. Bang hangin migilote daupai uh a, mikhem hatte gualzo sese ahi uh hiam?

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. A mite khempeuh sila dingin a kipuakhia hi.

Ezekiel 16:43

Na neu lai-a kong bawlna na mangngilh a, hih bang tengin na gamtatnate tawh kei nong hehsak hi. Tua ahih manin na gamtatna tawh kizui-in kong thuk hi. A muhdahhuai na gamtat dangte banah bang hangin hih paktatna gamta thuah na hi hiam?” Topa in ci hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.