Daniel 9:13 - Tedim Bible

¹³ Moses’ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.

Tedim Bible Revision 2017

¹³ Mosesʼ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.

Daniel 9:13 Referans Kwoze

Daniel 9:11

Israel-te khempeuh in na gensa thute le na thukhamte khempeuh a palsat khinzo uh hi. Na tungah khialhna ka hong bawl manun, na nasem Moses’ thukham sunga kigelh bangin kote’ tungah samsiatna a hong tung hi.

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Isaiah 9:13

Amaute a satpa’ lamah Israel mite kihei lo a, Vanglian Topa zong lo uh hi.

Hosea 7:10

Israel mite’ kiphatsakna in amau’ langkhatah teci pang hi. Ahi zongin hih thu khempeuhah zong, amau’ Topa Pasian ahi kei’ lamah hong kihei tuan lo uh a, kei hong zong lo uh hi.

Jeremiah 31:18

Efraim’ kahna aw ka zazo a, ‘Topa aw, bawngtal sin loh bangin kei nong thuhilh khinzo hi. Kong ciahkik theih nadingin hong lakik in; bang hang hiam cih leh nang pen Topa ka Pasian na hi hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Late 119:27

Nangma ngeina kipte kei hong theitel sak in. Nangma nasep lamdangte ka ngaihsunsun ding hi.

JOB (Job) 36:13

“Migilote a hehin nitum uh a, gimna a thuak ciang nangawnun ama huh ding ngen lo uh hi.

Jeim 1:5

Pilna kisam na om uhleh Pasian kiangah ngen un. Mi khempeuh tungah Pasian dikin cingh mahmah ahih manin hong pia ding hi.

Efesa 4:21

Note in Khrih thu na zaksa uh hi a, ama nungzui na hih manun Jesuh’ thutakna na theihsa uh ahi hi.

Johan 10:35

Lai Siangtho sungah a kigelh thute a tawntungin a thuman hi a, Pasian’ thu a ngah mite pen Pasian in, ‘pasian-te,’ na ci hi.

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

Johan 6:45

Kamsangte in a lai gelhna uhah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Luka 24:45

Tua ciangin Lai Siangtho sung thu a theih nadingun a lungsim uh honsak a,

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Hosea 7:7

A hehluatna uh tawh amau a ukte a thatlum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.

Kah la 5:21

Topa aw, kote hong kaikhawm kik in! Hong kaikhawm kik in! A beisa sauveipi lai mah bangin hong thaksuaksakkik in.

Jeremiah 44:27

En un, amaute tungah hoihna tung loin siatna a tun nadingin keimah in ka bawl ding hi. Egypt gamah a om Judah mi khempeuh namsau le kialpi tawh si ding uh a, khat beek a suakta kei ding uh hi.

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

Isaiah 42:9

En un, hun beisa-a nate in hong khengta a, tu-in a thak nate kong gen hi. Tuate a hong piankhiat ma-in note tungah a thute ka hong genkhol hi,” a ci hi.

Late 119:73

Nangmah in kei hong piangsakin na hong bawl hi. Na thupiaknate ka sin theih nadingin thu theihtelna hong pia in.

Late 119:18

Nangma thukham sung panin a lamdang nate ka muh theih nadingin keima mitte hong honsak in.

Late 85:4

Kote hong honkhia Pasian aw, kote ka ngei uh hong bangsakkik inla, kote tunga na lungkim lohna hong beisak ta in.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!

2 KUMPI NIHNATE 22:16

Topa in hih bangin ci hi: En un, hih lai mun le a tungah a tengte tungah Judah kumpipa in laibu sunga a sim siatna thute khempeuh ka tungsak ding hi.

Isaiah 43:22

“Ahih hangin Jakob aw, ka min nong lo kei hi. Israel aw, kei nong cimtak hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puannin tawh kibanglai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Jeremiah 30:14

Na lawm ngaihte un hong mangngilh khin uh a, hong don nawn lo uh hi. Bang hang hiam cih leh na khialhnate uh lian lua-in, na mawhnate uh nasia lua ahih manin, galte bangin note kong bawl a, nasia takin gim kong thuaksak hi.

Jeremiah 44:23

Note in paknamtui halin, Topa’ tungah mawh tham loin, Topa’ thu mang loin ama thukhamte, a ngeinate, le a hong thupiakte zui lo na hih manun tuni mahmahin zong hih gimna note tungah hong tung ahi hi,” ka ci hi.

Ezekiel 16:43

Na neu lai-a kong bawlna na mangngilh a, hih bang tengin na gamtatnate tawh kei nong hehsak hi. Tua ahih manin na gamtatna tawh kizui-in kong thuk hi. A muhdahhuai na gamtat dangte banah bang hangin hih paktatna gamta thuah na hi hiam?” Topa in ci hi.