Daniel 8:25 - Tedim Bible

²⁵ A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theihkholh lohin mi tampi susia-in, a lianpen kumpite’ kumpipa nangawn a langpan’ ding hi. Ahih hangin mihing thahatna kizang loin amah a kisusia ding hi.

Tedim Bible Revision 2017

²⁵ A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theih kholh lohin mi tampi susia-in, a lian pen kumpiteʼ kumpipa nangawn a langpan ding hi. Ahih hangin mihing thahatna kizang loin amah a kisusia ding hi.

Daniel 8:25 Referans Kwoze

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

JOB (Job) 34:20

Mihingte ahihleh zan khat thu-in sipak thei hi. Pasian in mite satpukin sisak thei a, nakpitakin hih kul loin mi thahat pente zong a that thei hi.

Daniel 11:45

Amah in a kumpi puanbuk lianpite biakinn dinna mualtung le tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi,” a hong ci hi.

Daniel 7:26

“Tua ciangin thukhenna hun hong kipan ding a, ama vangliatna lakkhiat sakin, amah a kisusia maimang ding hi.

Daniel 7:8

Tua kite ka et laitakin tuate’ lakah adang ki neu khat hong po a, a omsa sung pan ki thumte a botkhia hi. Tua ki’ tungah mihing mittang tawh a kibang mittang le kam om a, kiphatsakna kam tampi a pau hi.

Kah la 4:6

Jerusalem’ mawhna Sodom khuapi’ mawhna sangin lianzaw ahih manin, thakhatin Pasian’ khutsung pan kisiatna a ngah uh hi.

Jeremiah 48:26

“Moab, zu khamsak un; bang hang hiam cih leh amah in Topa langpangin kiliansak hi. Tua ahih manin ama luak mahah amah bual ding a, mi khempeuh in awi-in a nuihsan ding uh hi.

Sawltak 12:23

Herod in mite, Pasian phatsak loin amah phatsak ahih manin thakhatin Topa’ vantungmi in Herod cinasak a, a hut in amah netumin a si hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

2 THESALONIKA NIHNA 2:3

Ahi zongin kuama khemsa-in ta kei un. Bang hang hiam cih leh nakpitakin Pasian langpanna lianpi le hell khuksung a tung ding ahi A Gilopa hong kilat matengin tua Ni hong tung lo ding hi.

2 THESALONIKA NIHNA 2:8

A khamcip pa a kilakkhiat khit ciangin A Gilopa hong kilang ding a, Topa Jesuh hong pai ciangin tua A Gilopa mutlum ding a, vanglian minthangin hong kilatna tawh a maimangsak ding hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik ding a, kum sawmguk le nih mun sagih sung kip ding a, ahih hangin buai hun sung ahi ding hi.

Daniel 11:12

A galhatna hang le galkap tampi a thahna hangin kisathei mahmah ding a, ahih hangin a gualzo tawntung kei ding hi.