Daniel 8:21 - Tedim Bible

²¹ Keeltal pen Grik kumpi gam hi a, a mit kikal-a a po ki pen kumpi masa pen a cihnopna ahi hi.

Tedim Bible Revision 2017

²¹ Keeltal pen Grik kumpi gam hi a, a mit kikal a a po ki pen kumpi masa pen a cihnopna ahi hi.

Daniel 8:21 Referans Kwoze

Daniel 11:3

Tua ciangin a minthang kumpi khat a hong kilang ding hi. Amah in gam zaipi tak uk ding a, ama thuthu-in a gamta ding hi.

Daniel 10:20

Amah in, “Bang hangin na kiangah hong pai ka hi hiam, cih na thei hiam? Thuman Laibu sungah a kigelh thute a lak dingin a hong pai ka hi hi. Tu-in ciahkikin, Persia gam a cing vantungmi tawh ka kido ding hi. Tua khit ciangin Grik gam a cing vantungmi a hong kilang ding hi. Mikhael longal kei a hong huh ding kuamah a om kei hi.

Daniel 8:20

Na muh ki nih a nei tuutal pen Media le Persia gam kumpite a cihnopna ahi hi.

Daniel 8:22

Ki po masa pen a kitan khit ciangin a nunga hong po ki lite pen tua gam panin kumpi gam li hong piang ding a cihnopna ahi hi. Ahih hangin tua gamte ahihleh a masa pen kumpi gam zahin a thahat kei ding uh hi.

Daniel 11:2

Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai ding a, tua banah a lina hong khang ding hi. Tua pa, a dangteng sangin a hauzaw ding hi. Amah in a hauh penpen laitak le a thahat pen laitakin Grik kumpi a to ding hi.

Daniel 2:39

Nang’ khit ciangin nang’ kumpi gam sangin a neuzaw kumpi gam adang khat hong piang ding a, tua khit ciangin sumngo ahi kumpi gam a thumna in leitung khempeuh uk ding hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Zekhariah 9:13

Grik mite, sim nadingin Judah, thal bangin keekin, Israel thaltangin ka zang ding a, Zion mite, namsau-in ka zang ding hi.