Daniel 8:19 - Tedim Bible

¹⁹ Amah in, “Pasian’ hehna hangin thupiang dingte ka hong lak ding hi. Na maangmuh pen hun beina ding lahna ahi hi.

Tedim Bible Revision 2017

¹⁹ Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Daniel 8:19 Referans Kwoze

Habakkuk 2:3

Hih thu a tunna ding hun hi pah nai lo ahih manin lai-in ciamteh in. Ahi zongin hong tung baihta ding a, kong lah khempeuh a manin hong tung ding hi. A tung hak tawh a kibangkha ahi zongin ngak keikai in. Ka seh hun a cin ciangin hong tung takpi ding a, zekai lua nawn lo ding hi.

Mangmuhna 17:17

Bang hang hiam cih leh Pasian in ama thugente a tuntheih nadingin ama deihna bangin amaute in a sepnop nading uh lungsim guan a, lungsim kikhatin ganhing tungah amau’ ukna aana a piasak hi.

Daniel 11:27

Tua kumpi tegel in sabuai khat tungah tu-in an a nekhawm ding uh hi. Ahih hangin a ngaihsutna uh a hoih zawsang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngahzo kei uh hi.

Mangmuhna 15:1

Tua ciangin vanah nalamdang lian mahmah khat ka mu hi. Gimna nam sagih a hong keng vantungmi sagih om uh a, Pasian’ hehna a lah tawpna uh ahih manin a nunung pente ahi uh hi.

Mangmuhna 11:18

Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.

Mangmuhna 10:7

A sagihna vantungmi in a peengkul a tum ciangin ama nasem kamsangte tungah a gensa bangin Pasian in ama ip thusim a geelte hong semkhia ding hi,” a ci hi.

Mangmuhna 1:1

Hih laibu pen a piang baih ding thute, Pasian’ nasemte tungah a lah dingin Pasian in Jesuh tungah a thu pia a, Jesuh in maang sungah a lah thute ahi hi. Khrih in ama vantungmi sawl a, a nasempa Johan kiangah hih thute a kilangsak hi.

Daniel 8:23

“Tua kumpi gamte a bei ding hun a nai ciangin gilo lua mahmah ding uh ahih manin gim a kipia ding hi. Tua ciangin ama thu bek thu a sa, mawhna pawlpawl tawh a kidim, zuauphuah hat kumpi khat a hong om ding hi.

Luka 21:23

Tua huna naupaiite le naungek neite a dingin haksa mahmah ding hi. Hih leitungah gimna lianpi hong tung ding a, Pasian in hih mite gim a pia ding hi.

Late 102:13

Nangmah tho-in Zion khua na hehpih ding hi. Amah na angvan hun ding hita a, a kiciangtansa hun hong tung khin hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallakah mi tampite in bang thu piang hiam cih theitel nuamin a hanciam ding uh hi,” a hong ci hi.