Daniel 8:13 - Tedim Bible

¹³ Vantung mi khat in adang vantungmi khat kiangah thu a dot ka za a, “Hih maangmuhna bang tanvei sawt ding a, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Tedim Bible Revision 2017

¹³ Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Daniel 8:13 Referans Kwoze

Mangmuhna 11:2

Ahi zongin biakinn pualam tualte teh kei in. Minam dangte’ khut sungah kipia khin a, amaute in kha sawmli le nih sung Khuapi Siangtho tuancilgawp ding uh ahih manin tua a tualte teh loin nusia lel in.

Mangmuhna 6:10

Amaute nakpitakin kiko uh a, “A thuman, a siangtho, a Vanglian Topa aw, leitungah a omlai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gangawh biakna le biakpiakna, hih hunlang sung a khawlsak ding hi. Biakinn dawn sangpen munah a Lipkhaphuai na kikoih ding hi; ahi zongin Pasian in tua a koihpa’ thuak dingin a geelsa thu a koihpa in a thuak hun ciang dong, a Lipkhaphuai na pen a koihna mun mahah omlai phot ding hi,” hong ci hi.

Daniel 11:31

A galkapte pawlkhat in biakinnpi le biakinnpi huang a ninsak ding uh hi. Amaute in nisim biakpiaknate khawlsak ding uh a, a Lipkhaphuai na a suang ding uh hi.

Daniel 4:13

“Ka maangmuhna ngaihsunin ka om laitakin ka khuadak leh a vil, a patau vantungmi khat vantung pan a hong tuaksuk ka mu hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

Luka 21:20

“Galkapte in Jerusalem khuapi a umcihna na muh uh ciangin tua khuapi a siat nading naita hi, ci-in na thei ding uh hi.

Marka 13:14

“Ama om loh nading pi-ah a lipkhaphuai zehphitna a hong om na muh uh ciangin (hih lai a simte in Jesuh’ cihnopna thei ta un!) Judea gam a om mite mualtungah tai un.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Isaiah 63:18

Nangma mi siangthote in tawlkhat sung bek na biakinn nei a, ko hong langpangte in tua na biakinn pen tuancilgawp khinta hi.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi-ah a teng kuamah om loin hawm suakin, innte-ah kuamah om loin, leitang pen gamkhing suak kiuhkeuhin,

Late 79:5

Topa aw, bang tanvei hi ding ahi hiam? Heh paisuak ding na hi hiam? Nangma hazat hehna meikuang bangin kuang paisuak ding ahi hiam?

Juda 1:14

Tanglai pekin Adam pan khang sagihna Enok in zong hih thu mah na genkhol a, a genna-ah, “En un, Topa, a mi siangtho honpite tawh hong pai ding a,

Mattiu 11:27

“Ka Pa in kei tungah na khempeuh hong pia khin hi. Pa simloh Tapa a thei kuamah om lo a, Tapa le Tapa in a theihsaknop mite simloh, pa a thei kuamah om lo hi.

Zekhariah 14:5

Hinnom kuam sung kivukcip ding a, Judah kumpi Uzzah’ hun lai-in zinlinna-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Zekhariah 1:19

Bang a cihnopna ahi hiam, ci-in vantungmi kiangah ka dong hi. Amah in hong dawng a, “Judah mite le Jerusalem mite a thehthang gawp leitung vangliatnate a cihnopna ahi hi,” hong ci hi.

Daniel 12:11

Amaute in nisim biakpiakna a khawlsak, a Lipkhaphuai na a hong pian’ ciangin ni tulkhat zanih sawmkua sung a sawt ding hi.

Daniel 7:23

Hih bangin hilhtelna kei a hong kipia hi: “Sapi lina pen leitung a hong om ding kumpi gam lina ding hi a, kumpi gamdangte tawh kilamdang mahmah ding hi. Amah in leitung buppi valhtum ding a, tuancil gawpin a sukham ding hi.

Daniel 7:16

Ka pama ding mite khat kiangah pai-in hihte khempeuh a khiatna hong hilh in, ci-in ka thum hi. Tua ciangin amah in a khiatna a hong hilh hi.

Daniel 4:23

Kumpipa in na et laitakin, vantungmi khat vantung panin hong paisuk a, “A singkung phuk inla susia in; ahih hangin lei sungah a bul le a zungte nusia in. A bulah sik le sumngo kual vial inla, gamlak lopate tawh nusiakhawm in. A tungah daitui kia hen la, kum sagih sung ganhingte tawh omkhawm ta hen,” a ci hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Late 74:9

Kote in ka mailam thu ding uh ka thei kei uh hi. Kamsang khat zong om nawn lo a, bang tanvei hi ding, ci-in a thei kuamah ka om kei uh hi.

Thukhente 13:18

Topa’ vantungmi in ama kiangah, “Hih thu a lamdang hi, ci-in thei napi-in bang hangin ka min hong dong na hi hiam?” a ci hi.

Thu-hilhkikna 33:2

Amah in, “Sinai panin Topa hong pai a, Sinai panin eite a’ ding hong suakkhia hi. Paran Mual panin hong taangkhia a, a taklam khutah meikuang tawi-in, mi siangtho tul sawmte kiang panin a hong pai hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Luka 10:22

Tua ciangin Jesuh in amaute kiangah, “Hih nate khempeuh ka Pa in kei tungah hong ap khinzo hi. Pasian simloh, Tapa a thei kuamah om lo hi. Tapa le Tapa in a theihsaknop mite simloh, Pa a thei kuamah om lo hi,” a ci hi.

Late 74:10

Pasian aw, ka galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Isaiah 28:18

Tua ciangin sihna tawh na thuciamna uh kiphiat ding a, Leinuai tawh na thukimna uh kip lo ding hi. A tuumcip ding tuiciin in a hong nawk ciangin note hong sugawp ding hi.

Jeremiah 12:10

Tuucing dang tampi in ka leenggah lo hong suksiatsak uh a, kei a’ teng hong tuatcilsak uh hi. A hoih mahmah ka leenggah lo pawnlak, gamlak, a suaksak uh hi.

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.

Daniel 4:10

“Ka ihmut laitakin maangmuhna khat ka nei a, leitung laizangah a po singkung sang mahmah khat ka mu hi.