Daniel 7:5 - Tedim Bible

⁵ Tua ciangin a nihna sapi vompi tawh a kibang khat ka mu hi. A nunglam khe tawh dingin a ha tawh nakguh thum pet a, “Na duh zahzah sa tampi ne in,” cihna aw khat a hong ging hi.

Tedim Bible Revision 2017

⁵ Tua ciangin a nihna sapi vompi tawh a kibang khat ka mu hi. A nung lam khe tawh dingin a ha tawh nakguh thum pet a, “Na duh zahzah sa tampi ne in,” cihna aw khat a hong ging hi.

Daniel 7:5 Referans Kwoze

Daniel 2:39

Nang’ khit ciangin nang’ kumpi gam sangin a neuzaw kumpi gam adang khat hong piang ding a, tua khit ciangin sumngo ahi kumpi gam a thumna in leitung khempeuh uk ding hi.

Hosea 13:8

A no a kilaksak vompi bangin note hong sugawpin kong balgawp ding hi. Humpinelkai bangin hong phualnek pahin, gamsate bangin kong balthanggawp ding hi.

Daniel 11:2

Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai ding a, tua banah a lina hong khang ding hi. Tua pa, a dangteng sangin a hauzaw ding hi. Amah in a hauh penpen laitak le a thahat pen laitakin Grik kumpi a to ding hi.

Daniel 5:28

Parsin pen kikhen cihna hi a, na gam kikhen khamin Media le Persia-te a kipiazo hi, a cihna ahi hi,” a ci hi.

Isaiah 56:9

Lo sungah a om ganhing khempeuhte, gamlakah a om ganhing khempeuhte aw, a netum dingin hong pai un.

Paunak 17:12

Mihaite a hai gamtatna uh i tuahkhak sangin a no a kilaksak vompi hang khat tuak lehang hoihzaw lai hi.

2 KUMPI NIHNATE 2:24

Tua ciangin amah a kiimah khuadak a, amah in amaute a muh ciangin Topa’ min tawh amaute a samsia hi. Tua ciangin gamlak panin vompi nih hong pai-in naupang sawm le nih balnen hi.

Mangmuhna 13:2

Tua ka muh ganhing pen kamkei tawh kibang a, a khete vom khe tawh kibang a, a kam pen humpinelkai kam tawh a kibang hi. Gulpi in tua ganhing tungah ama vangliatna, ama tokhom, le aana lianpi a pia hi.

Daniel 7:4

A masa pen humpinelkai tawh kibang a, ahi zongin muvanlai kha tawh a kibang kha a nei hi. Ka et laitakin a kha tegel a hong kibotkhia hi. Leitung panin tua ganhing kidomkaang to-in, mihing bangin a khe nihin kidingsak a, mihing lungsim ama tungah a kipia hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.