Daniel 7:27 - Tedim Bible

²⁷ “Hih leitung kumpi gam, vangliatna, le liatna khempeuh a Lianpen Pasian’ mite tungah a kipia ding hi. Amau’ kumpi za cikmah hunin bei ngei lo ding a, leitung ukna za a nei khempeuhte in a thu uh mangin amaute’ na a sem ding uh hi,” hong ci hi.

Tedim Bible Revision 2017

²⁷ “Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Daniel 7:27 Referans Kwoze

Late 72:11

Kumpi khempeuh ama mai-ah bok uh hen la, minam khempeuh in ama na sem ta uh hen.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

Luka 1:33

Jakob suanlekhakte’ kumpi hi paisuak ding a, ama ukna bei hun cih om ngei lo ding hi,” a ci hi.

Daniel 7:14

Amah in vangliatna, minthanna, le kumpi za ngah ahih manin minam kimte, minam tuamtuamte, paunam tuamtuamte khempeuh in ama na a sem ding uh ahi hi. Amah in a tawntungin uk ding a, a kumpi gam a bei ngei kei ding hi.

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

Daniel 7:18

Ahih hangin a Lianpen Pasian’ mite in kumpi za ngah ding uh a, a tawntungin a nei paisuak ding uh hi,” hong ci hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Late 145:13

Nangma kumpi gam pen a kip tawntung kumpi gam hi a, nangma ukna khang tawntungin a kip hi. A thuciamna khempeuhah Topa thutak mahmah a, a gamtatna khempeuhah zong hehpihna a nei ahi hi.

Late 86:9

Topa aw, na bawlsa minam khempeuh hong pai-in na mai-ah hong kun ding uh a, nangma min hong phat ding uh hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

Daniel 7:22

Tua ciangin a nungta tawntung mipa hong pai a, a Lianpen Pasian’ mite a’ ding a hoih thukhenna a hong gen hi. Pasian’ mite in kumpi za a ngahna ding uh hun a hong tung hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Isaiah 54:3

Bang hang hiam cih leh taklam le veilamah nangmah kizelin, na suanlekhakte in minam dangte’ leitang luah ding uh a, a kinusia khuapite mi tawh dimsak ding uh hi.

Mangmuhna 22:5

Topa Pasian pen amaute’ khuavak hi-in, a tawntungin amaute in uk paisuak ding uh ahih manin khuamial hun cih om nawn lo ding a, khua a vaksak ding meivak le nitaang cihte kisam lo ding uh hi.

Johan 12:34

Tua ciangin mihonte in, “Khrih nungta tawntung ding hi, ci-in Thukham sungah kigen hi. Bang hangin Mihing Tapa kikhaito ding ci na hi hiam? Hih Mihing Tapa kua ahi hiam?” a cih uh ciangin

Obadiah 1:21

A gualzo Jerusalem khuamite in Esau’ gam simin uk ding uh a, tua gam pen Topa’ gam ahi ding hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

1 KORIN MASA 15:24

Tua ciangin Khrih in ukna, vangliatna, aana a nei ama galte khempeuh a zawhgawp khit ciangin Pa Pasian tungah ukna aana ap ding a, tua ciangin hih leitung hun beina hong tung ding hi.

Mangmuhna 11:1

Tua ciangin ciangkhut tawh a kibang teh nading ciang khat kei kiangah hong kipia a, “Pai inla, Pasian’ biakinn le biakna tau le tua lai-ah Pasian a bia mite va teh in.

Isaiah 14:2

Israel mite in amaute manin amau’ gamah ciahpih ding uh a, Topa’ gam sungah amaute pen sila numei sila pasal dingin nei ding uh hi. Amaute a man ngei mite pen tu-in amaute in lehmat ding uh a, amaute a nengniam ngei mite tungah tu-in ukna nei ding uh hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo ding a, a vangliatna a bei ngei kei ding hi.