Daniel 7:22 - Tedim Bible

²² Tua ciangin a nungta tawntung mipa hong pai a, a Lianpen Pasian’ mite a’ ding a hoih thukhenna a hong gen hi. Pasian’ mite in kumpi za a ngahna ding uh hun a hong tung hi.

Tedim Bible Revision 2017

²² Tua ciangin a nungta tawntung mipa hong pai a, a Lianpen Pasianʼ mite ading a hoih thukhenna a hong gen hi. Pasianʼ mite in kumpi za a ngah nading uh hun a hong tung hi.

Daniel 7:22 Referans Kwoze

Daniel 7:18

Ahih hangin a Lianpen Pasian’ mite in kumpi za ngah ding uh a, a tawntungin a nei paisuak ding uh hi,” hong ci hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

Mangmuhna 5:10

Pasian’ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

2 THESALONIKA NIHNA 2:8

A khamcip pa a kilakkhiat khit ciangin A Gilopa hong kilang ding a, Topa Jesuh hong pai ciangin tua A Gilopa mutlum ding a, vanglian minthangin hong kilatna tawh a maimangsak ding hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mangmuhna 1:6

ama Pa Pasian’ na a sem dingin siampi le kumpi za-ah a hong koih hi. Tua Jesuh in minthanna le vangliatna nei tawntung tahen. Amen.

Isaiah 63:4

Ka mite ka hotkhiat ding hunta ka sa a, a galte uh gimpiak ding a hun hita hi, ci-in ka ngaihsun hi.

Daniel 7:23

Hih bangin hilhtelna kei a hong kipia hi: “Sapi lina pen leitung a hong om ding kumpi gam lina ding hi a, kumpi gamdangte tawh kilamdang mahmah ding hi. Amah in leitung buppi valhtum ding a, tuancil gawpin a sukham ding hi.

Late 149:5

A gualzawhna uhah thuman mite lungdamin diang uh hen la, ama mai-ah khukdinin nuamna la sa uh hen.