Daniel 7:2 - Tedim Bible

² Mun khempeuh panin huihpi hong nungin tuipi tung a seemgawp hi.

Tedim Bible Revision 2017

² Mun khempeuh panin huihpi hong nungin tuipi tung a seem gawp hi.

Daniel 7:2 Referans Kwoze

Mangmuhna 7:1

Tua khit ciangin leitung kiu li-ah vantungmi li, kiu khatah khat ciat dingin leitung, tuipi tung, le singkung khat peuhpeuh a mutkhak loh nadingin leitung huih lite lencipin a om uh ka mu hi.

Mangmuhna 17:15

Tua ciangin vantungmi in hong genthuah lai a, “A paktat numei a tutna gun tuite pen minam tuamtuam, pau nam tuamtuam a zang mihonpite ahi hi.

Mattiu 24:31

Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi.

Jeremiah 49:36

Vantung mun li panin huihpi ka mutmangsak ding a, Elam gam panin ka hawlkhiatte mun khempeuhah kithehthang sakin a tun lohna uh gam khat beek ka omsak kei ding hi.

Daniel 2:19

Tua ciangin tua zan sungin maangmuhna tawh tua thuthukpi Daniel’ tungah kihilh a, amah in vantung Pasian’ min a phat hi.

Daniel 7:7

Ka et lai leh sapi lina ka mu hi. Tua sapi kihtakhuai mahmah a, lipkhaphuai-in a thupi mahmah hi. Amah in a gol mahmah sik-ha a nei hi. Amah in nene-in a nek valteng a khe tawh a tuancilgawp hi. Sapi dangte tawh kibang loin amah in ki sawm a nei hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Daniel 8:2

Ka maangmuhna ah thakhatin Elam gam sunga om Susa khuapi kulh sungah a omin ka kingaihsun a, Ulai gun gei-ah ka ding hi.

Daniel 8:8

Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong poto kik a, mun tuamtuam a kawk hi.

Daniel 11:4

Ahih hangin a thahat pen laitakin a gam hong kitam ding a, khen li a kisuah ding hi. A suan a khakte in ama gam a ukkha kei ding uh hi. Midangte in uk ding uh a, ahi zongin amah zahin vang a neizo kei ding uh hi.

Zekhariah 6:5

Tua ciangin amah in hong dawng a, “Hihte pen huihleeng li a cihnopna hi a, leitung khempeuhte’ Topa’ kiang panin a hong paikhia ahi uh hi,” hong ci hi.

Isaiah 17:12

Ah, mi tampite’ kikona, tuipi ging bang! Ah, minamte’ otna, tui lianpi ging bang!

Jeremiah 51:42

Babylon gamah tuipi hong kahto a, tuihual lauhuaite in a tum ta hi.