Daniel 7:18 - Tedim Bible

¹⁸ Ahih hangin a Lianpen Pasian’ mite in kumpi za ngah ding uh a, a tawntungin a nei paisuak ding uh hi,” hong ci hi.

Tedim Bible Revision 2017

¹⁸ Ahih hangin a Lianpen Pasianʼ mite in kumpi za ngah ding uh a, a tawntungin a nei paisuak ding uh hi,” hong ci hi.

Daniel 7:18 Referans Kwoze

Daniel 7:27

“Hih leitung kumpi gam, vangliatna, le liatna khempeuh a Lianpen Pasian’ mite tungah a kipia ding hi. Amau’ kumpi za cikmah hunin bei ngei lo ding a, leitung ukna za a nei khempeuhte in a thu uh mangin amaute’ na a sem ding uh hi,” hong ci hi.

Mangmuhna 5:10

Pasian’ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

Daniel 7:22

Tua ciangin a nungta tawntung mipa hong pai a, a Lianpen Pasian’ mite a’ ding a hoih thukhenna a hong gen hi. Pasian’ mite in kumpi za a ngahna ding uh hun a hong tung hi.

Late 45:16

Na pate’ tang ding na tapate hong hi ding a, nangmah in leitung khempeuhah amaute, ulian na suaksak ding hi.

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

Efesa 6:12

Eite’ do pen leitung mite hi lo a, vantung huihlakah a om ukna, aana a neite, hih leitung khuamial a uk a tuamtuamte ahi hi.

Luka 1:33

Jakob suanlekhakte’ kumpi hi paisuak ding a, ama ukna bei hun cih om ngei lo ding hi,” a ci hi.

1 KORIN MASA 6:2

Pasian’ mite in leitung mite’ thu a khensakzaw ding ahihlam thei lo na hi uh hiam? Note pen leitung mite’ thu a khensak ding na hih uh ciangin tua bang thu neute khen thei lo lawmlawm na hi uh hiam?

Mangmuhna 22:5

Topa Pasian pen amaute’ khuavak hi-in, a tawntungin amaute in uk paisuak ding uh ahih manin khuamial hun cih om nawn lo ding a, khua a vaksak ding meivak le nitaang cihte kisam lo ding uh hi.

Late 49:14

Tua bangin amaute Leinuai-a dingin kiseh hi. Sihna pen amau a cing pa hi ding hi. Hankhuk sungah amaute tuaksuksuak ding uh a, a mel uh sia ding a, Leinuai, amau’ inn hi ding hi.

Isaiah 14:2

Israel mite in amaute manin amau’ gamah ciahpih ding uh a, Topa’ gam sungah amaute pen sila numei sila pasal dingin nei ding uh hi. Amaute a man ngei mite pen tu-in amaute in lehmat ding uh a, amaute a nengniam ngei mite tungah tu-in ukna nei ding uh hi.

Daniel 7:14

Amah in vangliatna, minthanna, le kumpi za ngah ahih manin minam kimte, minam tuamtuamte, paunam tuamtuamte khempeuh in ama na a sem ding uh ahi hi. Amah in a tawntungin uk ding a, a kumpi gam a bei ngei kei ding hi.

Daniel 7:17

“Hih sapi lite pen leitung panin a hong khangkhia ding kumpi gam li ahi hi.

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.

Obadiah 1:17

Ahih hangin Zion mualah pawlkhat va tai ding uh a, tua mun pen a siangtho suak ding hi. Jakob innkuante in amau’ gam mah luahkik ding uh hi.