Daniel 7:10 - Tedim Bible

¹⁰ tua sung panin meikuang a hong leengkhia niloh hi. Ama nasem ding mihing tul za tampi om a, a mai-ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Tedim Bible Revision 2017

¹⁰ tua sung panin meikuang a hong leeng khia niloh hi. Ama nasem ding mihing tul za tampi om a, a mai ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Daniel 7:10 Referans Kwoze

Isaiah 30:27

En un, Topa’ vangliatna le a minthanna vang, gamlapi panin kimu thei hi. Meikuang le meikhu in ama hehna hong kilangsak a, ama kampaunate, mei bangin a kuang hi.

Thu-hilhkikna 33:2

Amah in, “Sinai panin Topa hong pai a, Sinai panin eite a’ ding hong suakkhia hi. Paran Mual panin hong taangkhia a, a taklam khutah meikuang tawi-in, mi siangtho tul sawmte kiang panin a hong pai hi.

Mangmuhna 5:11

Tua ciangin ka khuadak leh tokhom le ganhing lite le upate’ kimkotah atul-amakin a ding miaimuai vantung mite’ awging ka za hi.

Late 50:3

Eite’ Pasian hong pai a, amah dai ommawk lo hi. Ama mai-ah mei husia om a, a kimkotah huihpi om hi.

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

Juda 1:14

Tanglai pekin Adam pan khang sagihna Enok in zong hih thu mah na genkhol a, a genna-ah, “En un, Topa, a mi siangtho honpite tawh hong pai ding a,

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa a dingin a baihsa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sangkhia ding a, tua mei phualpi tawhkuang ding hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Daniel 7:22

Tua ciangin a nungta tawntung mipa hong pai a, a Lianpen Pasian’ mite a’ ding a hoih thukhenna a hong gen hi. Pasian’ mite in kumpi za a ngahna ding uh hun a hong tung hi.

Hebru 12:22

Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

Zekhariah 14:5

Hinnom kuam sung kivukcip ding a, Judah kumpi Uzzah’ hun lai-in zinlinna-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Daniel 7:26

“Tua ciangin thukhenna hun hong kipan ding a, ama vangliatna lakkhiat sakin, amah a kisusia maimang ding hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Mangmuhna 11:18

Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.

2 KHANG TANGTHU NIHNATE 18:18

Tua ciangin Mikaiah in, “Topa’ thugen za in: Topa a kumpi tokhom tungah tu a, a taklam le a veilamah vantung mihon khempeuh a ding ka mu hi.

Late 18:8

Ama nakvangte panin meikhu pusuak hi. Ama kam panin mei husia pusuak a, ama tung panin mei-am san kuangkhia hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pianzawh a kipan a nasia penpen gimna hun hong tung ding hi. Tua hun a hong tun ciangin Pasian’ laibu sungah a min a kigelh na mite khempeuh kihonkhia ding hi.

JOB (Job) 25:3

Ama na a sem vantung mite bangzah pha cih kua in simzo ding ahi hiam? Pasian’ khuavak in a bat lohna koi lai mun om ahi hiam?

Late 103:21

Ama deih bangin a gamta ama nasem, ama mihon khempeuhte aw, Topa phat un.