Daniel 6:4 - Tedim Bible

⁴ Tua ahih ciangin vaihawmpi dangte le gam ukpite in Daniel’ nasepna encikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a muzo kei uh hi.

Tedim Bible Revision 2017

⁴ Tua ahih ciangin vaihawmpi dangte le gam ukpite in Danielʼ nasepna en cikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a mu zo kei uh hi.

Daniel 6:4 Referans Kwoze

1 PETER MASA 3:16

Khrih nungzui na hihna hangun na gamtat hoihna uh hong gensia-in hong simmawhbawl a om ciangin a maizum theih nadingun na lungsim uhah kisuanna a om het lo dingin na siangtho om un.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

1 PETER MASA 2:12

Gentail mite in note mi hoih lo hi, ci-in hong gensia nuamin mawhna hong zon ciangin, note’ hoihna bekbek mu-in, Pasian a hong pai Ni ciangin a phattheih nadingun amaute lakah na gamtatna uh hoihsak tawntung un.

Luka 20:20

Tua ahih manin a hunhoih ngakin vil gige uh a, ukna aana a neite’ khut sungah Jesuh a aptheih nadingun ama kampau tawh a mat nopna-un, lungsim takpi tawh thudong a va kineihkhem dingin mi pawlkhat thukan dingin a cial uh hi.

Titu 2:8

mite’ mawhmat theih loh ding kamhoihte na zang in. Tua hileh i langte in hong gensiat theih nading mu loin a mai uh zum lel ding hi.

Mattiu 27:18

Bang hang hiam cih leh Jesuh a hazat man bekun ama kiangah a paipih ahihna thu teltakin a thei hi.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

1 TIMOTI MASA 5:14

Tua ahih manin, i langte’ hong gensiat nading a om loh nadingin, a khangno lai meigong numeite in pasal nei-in, ta nei-in, amau innkuansung ukin a om ding uh ka deihzaw hi.

Thuhilh-sia 4:4

Mi khatlekhat, hauhnop mana kidemna hangin nakpi taka na kisem ahihna ka mu hi. Hih zong a mawknapi hi a, huihpi nungdelh mah tawh kibang bek hi.

Paunak 29:27

Midikte in migilote mudah uh a, migilote in midikte mudah uh hi.

Thukhente 14:4

A nu le a pa in hih thu pen Topa’ kiang pan ahihlam thei lo uh hi; bang hang hiam cih leh Topa in Filistia mite tungah paulap ding a zong ahi hi. Tua hun laitakin Filistia mite in Israel-te uk uh hi.

Piancilna 43:18

Josef’ inn-ah kipaipih ahih manin lau uh a, amaute in, “Eite sila-in hong bawlin i late a mat theih nading, eite’ tungah thu hong zongin eite hong hih theih nadingin, a masa lai-a i van sunga sum kikoihte’ hangin eite hong kipaipih hi,” a ci uh hi.

2 KORIN NIHNA 11:12

Tua sawltak dangte in, “Kote in zong amau’ sepzia mah bangin ka sem uh hi,” ci-in a kisialh theih loh nadingun tuhunin nasep thaman bangmah ka hong lak loh mah bangin mai lamah zong ka hong la kei ding hi.

Johan 19:4

Pilat zong khatvei hong pusuak kikin mihonte kiangah, “Ama khialhna bangmah a mu lo ka hihna thu na theih nadingun note kiangah Jesuh ka hong paikhia sak hi,” a ci hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesuh a kithah theih nading lampi a zong uh hi.

Mattiu 26:4

kuama theih lohin Jesuh simmatin a thahtheih nading uh a vaihawm uh hi.

Daniel 3:8

Tua ciangin Babylon mite pawlkhat pai-in Jew mite a heksim uh hi.

Jeremiah 18:23

Ahih hangin Topa aw, amaute in thah dingin kei a hong sawmna uh nang na thei hi. Amau’ khialhnate na maisak kei inla, nangma muhna panin amau’ mawhnate phiatmangsak kei in. Nangma mai-ah amaute guallelsak inla, na heh ni mahin hih ek in.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

1 SAMUEL MASA 22:14

Tua ciangin Ahimelek in kumpipa dawngin, “Na nasemte khempeuh lak panin kumpipa’ makpa ahi nangmah hong cingte a ukpa David bangin kua thumanin, na inn sungah kua kipahtawi ahi hiam?

1 SAMUEL MASA 18:14

David in a sepna khempeuhah a maa tun hi; bang hang hiam cih leh Topa in amah ompih hi.

Luka 20:26

Ama kampauna tawh mihon lak panin a mat nadingun thu om thei lo ahih manin ama thudawnna hangin lamdangsa-in a om khikhe uh hi.

Jeremiah 29:7

Note salin kong koihna khuapi’ phattuamna ding bawl unla, tua khuapi a dingin Topa’ tungah thu ngetsak un. Bang hang hiam cih leh tua khuapi in phattuamna ngah leh no zong phattuamna a ngah mah na hi uh hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcipsak hi. Kumpipa aw, mawhna ka bawl lohlam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

Piancilna 41:38

Faro in a nasemte kiangah, “Ama sungah Pasian Kha a omna, hih bang midang mu ding ihi hiam?” a ci hi.

1 SAMUEL MASA 12:4

Tua ciangin amaute in, “Nangmah in kote nong khem kei a, zong nong nengniam kei a, mi khat peuhpeuh tung panin zong bangmah na la kei hi,” a ci uh hi.

Daniel 5:12

Amah in a kanzaw siamna nei a, mangkhiat siamna, thudotna haksa nonote dawntheihna, le thuthukpite gentel theihna a nei hi. Tua ahih ciangin kumpipa in Beteshazzar ci-in a min a phuah Daniel samsak in. Tua hileh amah in a hong gen thei pah ding hi,” a ci hi.