Daniel 6:27 - Tedim Bible

²⁷ Amah pen a honkhia pa le a suaktasak pa hi a, vantung le leitungah lim le na lamdangte a bawl hi. Humpinelkaite’ thahatna panin Daniel a suaktasak hi,” a ci hi.

Tedim Bible Revision 2017

²⁷ Amah pen a hon khia pa le a suaktasak pa hi a, vantung le leitungah lim le nalamdangte a bawl hi. Humpi-nelkaiteʼ thahatna panin Daniel a suaktasak hi,” a ci hi.

Daniel 6:27 Referans Kwoze

Sawltak 4:30

Cinate damsak theih nading vangliatna hong pia inla, a siangtho na Nasempa Jesuh’ min tawh nalamdang kibawl ta hen,” a ci uh hi.

Late 97:10

Topa in gitlohna a mudahte it a, amah in a mi siangthote’ nuntakna siatna ding pan a kem hi. Amah in migilote’ khutsung panin amaute a honkhia hi.

Late 18:50

Zawhna lianpi ama kumpipa tungah pia a, a sathau nilh pa David le a suan a khakte tungah a tawntungin itna kip a lak hi.

Daniel 4:34

Tua ciangin kumpipa in, “A kisehsa hun a cin ciangin keimah Nebukhadnezzar in vantung lam ka ento a, ka khuatheihna a hong tungkik hi. A nungta tawntung a Lianpen Pasian’ min phatin, zahtakna le minthanna ka pia hi. “Amah in a tawntungin uk ding a, ama gam kip tawntung ding hi.

Late 35:17

Topa aw, bang tanvei hong enkhong ding na hi hiam? Amau’ hong sukgawpna panin keimah hong honkhia inla, humpinelkaite kiang panin kei hong hon in.

Late 32:7

Nang pen kei a dingin ka bukna mun na hi a, haksatna pan kei hong kemin hotkhiatna kicing nong pia hi.

Late 18:48

ka galte kiang panin keimah a hong honkhia pa minthangin vanglian tahen. Ka langte tungah keimah nong liansak a, mi ngongtatte kiang panin na hong honkhia hi.

JOB (Job) 36:15

Ahi zongin Pasian in gimna tawh mite thuhilh a, khua a phawktheih nadingun gimna a zang ahi hi.

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

Johan 4:48

Jesuh in ama kiangah, “Note in lim le nalamdang lian ka bawl na muh kei uhleh Topa ka hihna thu na hong um kei ding uh hi,” a cih ciangin

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Daniel 6:20

Humpinelkai kikhumna a tun dektak laitakin aw ling kawmin, “Daniel, a nungta Pasian’ nasempa! Thuman takin na biak tawntung na Pasian in humpinelkai kamsung panin a hong honkhia thei hiam,” ci-in a kiko hi.

1 SAMUEL MASA 17:26

David in ama kianga ding mite kiangah, “Hih Filistia-pa thatin Israel-te’ tung panin hih mindaina a beisak pa a dingin bang kihih ding ahi hiam? A nungta Pasian’ galkapte a to dingin hih dawibia Filistia-pa kua ahi hiam?” a ci hi.

Late 145:13

Nangma kumpi gam pen a kip tawntung kumpi gam hi a, nangma ukna khang tawntungin a kip hi. A thuciamna khempeuhah Topa thutak mahmah a, a gamtatna khempeuhah zong hehpihna a nei ahi hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Daniel 4:31

Tua thute a kamsung pan a pusuah ma-in vantung panin aw khat hong ging a, “Kumpi Nebukhadnezzar aw, ka thugen na ngai in. Na kumpi gam hong kilakkhiatsak zo hi.