Daniel 6:25 - Tedim Bible

²⁵ Tua ciangin Kumpi Darias in leitung a om minam kimte, minam tuamtuamte, le paunam tuamtuamte khempeuh tungah hih bangin lai a khak hi: “Note tungah nopsakna thupha om tahen.

Tedim Bible Revision 2017

²⁵ Tua ciangin Kumpi Darias in leitung a om minamkimte, minam tuamtuamte le pau nam tuamtuamte khempeuh tungah hih bangin lai a khak hi: “Note tungah nopsakna thupha om tahen.

Daniel 6:25 Referans Kwoze

Daniel 4:1

Nebukhadnezzar kumpipa in leitung a om minam kimte, minam tuamtuamte, paunam tuamtuamte khempeuh tungah a nuai-a thute hih bangin a khak hi: “Note tungah nopna om ta hen!

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

Esther 8:9

Tua ahih ciangin a kha thumna ahi Sivan kha a ni sawm le thum ni-in kumpipa’ lai-atte kisam a, Mordekai’ gen bang teekteekin Jew mite tung le India panin Ethiopia dong gam zakhat le sawmnih le sagih a uk ahi gam tampi a ukte, gam khat a ukte le tua gam sunga uliante tungah lai kihawmkik a, amau’ lai ciat le amau’ pau ciatin kigelh a, Jew mite a’ ding zong amau’ lai le amau’ pau mahin kigelh hi.

Esther 3:12

A kha masa a ni sawm le thum ni-in kumpipa’ lai-atte khempeuh kisam a, Haman’ genna tawh kizui-in kumpipa’ nuai-ah gam tampi a uksawnte le gam khat a uksawnte, le gam uksawnte’ khutnuai-ah a mi tuamtuamte lakah uliante tungah lai kipaisak hi. Gam khempeuhah amau’ lai ciat, mi khempeuh tungah amau pau ciatin kigelh hi. Hih lai pen kumpipa Ahasueras’ min tawh kigelhin kumpipa’ minthuhna zungbuh tawh min kithuh hi.

Ezra 4:17

Tua ciangin kumpipa in a lai uh hih bangin thuk hi: “Menzipipa Rehum, lai-at pa Shimshai, le Samaria le Eufratis Gungal gam sunga om na lawmte khempeuh uh tungah hopihna lai kong khak hi.

Juda 1:2

Note khempeuh tungah hehpihna, le itna thupha tampi tak hong tung tahen.

2 PETER NIHNA 1:2

Pasian le i Topa Jesuh na theihna uh hangin hehpihna le nopsakna thupha note tungah tampi tak hong tung tahen.

Daniel 3:4

Tua ciangin nakpitakin taangkona khat kibawl a, “Minam tuamtuamte le paunam tuamtuamte khempeuh aw!

Thu-hilhkikna 19:19

a sanggampa tungah amah in hih dinga a sawm bang teekin ama tungah na hih ding uh hi. Tua bangin note sung panin gitlohna na siangsak ding uh hi.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman a khailum uh hi. Tua ciangin kumpipa’ hehna a dam hi.

Late 7:15

Amah in gum to a, ama tawhsa gum sung mahah amah a kia hi.

Late 9:16

Topa in thu hong khenin migilote amau’ nasepna mahah awksakna tawh amah hong kilang hi.

Paunak 11:8

Lungkhamna a tuah loh nadingun midikte kihu a, migilote tungah lungkhamna tungzaw hi.